Государственный стандарт узбекистана

4.6 Текшириш
4.6.1 Мониторинг, ўлчаш ва таҳлил
Ташкилот режалаштирилган вақт интерваллари оралиғида энергетик натижавийликни белгилайдиган ўз операцияларининг муҳим тавсифларини мониторинг қилиш, ўлчаш ва таҳлил қилишни ўтказишни таъминлаши керак. Муҳим тавсифлар энг камида қуйидагиларни ўз ичига олиши керак:
а) энергиядан аҳамиятли фойдаланиш режимлари ва энергетик таҳлилнинг бошқа чиқиш маълумотлари;
b) энергиядан аҳамиятли фойдаланиш режимларига тегишли бўлган мувофиқ параметрлар;
c) энергетик натижавийлик кўрсаткичлари;
d) қўйилган мақсадлар ва вазифаларга эришишдаги чора-тадбирлар режаларининг самарадорлиги;
e) энергиянинг кутилаётган истеъмол қилиниши билан унинг ҳақиқий истеъмол қилинишини солиштиришда баҳолаш.
Муҳим тавсифларни мониторинг қилиш ва ўлчаш жараёнининг натижалари тегишли ёзувлар кўринишида рўйхатга олиниши керак.
Ташкилотнинг ўлчами ва спецификаси ва унинг жиҳозидан келиб чиққан ҳолда мониторинг қилиш ва ўлчашлар учун энергетик ўлчашлар режаси ишлаб чиқилиши ва жорий этилиши керак.
Изоҳ – Ўлчаш воситалари, энергия тармоғига уланадиган кичик ташкилотлар учун стандарт ҳисоблаш асбобидан то маълумотларни бирлаштира оладиган ва автоматик тарзда таҳлил қила оладиган дастурий таъминот воситаларига уланган мониторинг ва ўлчашларни ўтказишнинг мукаммал тизимларигача вариацияланиши мумкин. Ташкилот ўзи ўлчаш воситалари ва усулларини аниқлаши керак.
Ташкилот ўлчашларни ўтказишга тегишли ўз эҳтиёжларини аниқлаши ва даврий таҳлил қилиши керак. Ташкилот, муҳим тавсифларни мониторинг қилиш ва ўлчаш вақтида фойдаланиладиган жиҳоз аниқ ва қайтарилувчи маълумотларни беришини таъминлаши керак. Олинган натижаларнинг аниқлиги ва қайтарилувчанлигини белгилаш билан боғлиқ бўлган калибрлаш ва бошқа ўлчовларга тегишли ёзувлар сақланиши керак.
Ташкилот режалаштирилган қийматлардан энергетик натижавийлик кўрсаткичларининг сезиларли даражада оғишини тадқиқ қилиши ва унга жавоб қайтариши керак.
Ушбу фаолиятларга тегишли бўлган натижалар ишчи ҳолатда сақланиши керак.