Государственный стандарт узбекистана

4.6.2 Қонунчилик талаблари ва бошқа талабларга мувофиқликни баҳолаш
Режалаштирилган вақт интервалларидан кейин ташкилот, энергиядан фойдаланиш ва уни истеъмол қилишга тегишли бўлган, ташкилот бажаришни ўз зиммасига олган қонунчилик талаблари ва бошқа талабларга ўз фаолиятининг мувофиқлигини баҳолаши керак.
Даврий баҳолаш натижаларига тегишли бўлган ёзувлар ишчи ҳолатда сақланиши керак.


4.6.3 Энергетик менежмент тизимининг ички аудити
Ташкилот режалаштирилган вақт интервалларидан кейин энергетик менежмент тизими:
- энергетик менежмент соҳасидаги режалаштирилган чора-тадбирларга, жумладан ушбу стандартнинг талабларига мувофиқлигини;
- энергетика соҳасида белгиланган мақсадлар ва вазифаларга мувофиқлигини;
- самарали жорий этилгани, ишчи ҳолатда сақланиши ва энергетик натижавийликни яхшилашини аниқлаш мақсадида ички аудитлар ўтказиши керак.
Аудитлар дастури аудит қилиниши керак бўлган жараёнлар ва жойларнинг статуси ва муҳимлигини, ҳамда аввалги аудитлар натижаларини ҳисобга олган ҳолда режалаштирилиши керак.
Аудиторларни танлаш ва аудитларни ўтказиш аудит жараёнининг холислиги ва беғаразлигини таъминлаши керак.
Аудит натижалари тўғрисидаги ёзувлар ишчи ҳолатда сақланиши ва юқори раҳбариятга хабар берилиши керак.
4.6.4 Номувофиқликлар, тузатишлар, тузатувчи ва огоҳлантирувчи ҳаракатлар
Аниқ ва яширин номувофиқликларга нисбатан ташкилот тузатишларни амалга ошириши, тузатувчи ва огоҳлантирувчи ҳаракатларни қўллаши, жумладан қуйидагиларни бажариши керак:
a) номувофиқликлар ёки яширин номувофиқликларни таҳлил қилиш;
b) номувофиқликлар ёки яширин номувофиқликларнинг сабабини аниқлаш;
c) номувофиқликларни вужудга келиши ёки қайта юзага келишини олдини олишга йўналтирилган чоралар кўриш заруриятини баҳолаш;
d) зарур чора-тадбирларни аниқлаш ва жорий қилиш;
e) тузатувчи ва огоҳлантирувчи ҳаракатлар тўғрисида ёзувларни ишчи ҳолатда сақлаш;
f) кўрилган тузатувчи ёки огоҳлантирувчи ҳаракатларнинг самарадорлигини таҳлил қилиш.
Тузатувчи ва огоҳлантирувчи ҳаракатлар энергетик натижавийликка тегишли бўлган аниқланган ва яширин муаммолар ва оқибатларнинг масштабига мутаносиб бўлиши керак.
Ташкилот энергетик менежмент тизимига тегишли бўлган ҳар қандай зарур ўзгаришларни киритилишини таъминлаши керак.