Государственная инспекция по надзору за безопасным ведением работ

§ 346. Детонацияловчи шнур билан портлатишда қудуқларни (шпурларни) бевосита 
бурғилашдан кейин зарядлашга рухсат этилади. Қудуққа (шпурга) бир вақтда кўпи билан иккита 
тезлатиш воситасига эга бўлмаган ПМ патронини тушириш мумкин.
§ 347. Сувли шароитларда электрпортлатиш тармоғини монтаж қилишга, фақат антеннали 
симларни қўллашга рухсат этилади.
7. Канал, ариқ ва котлованларни (товоқсойларни) портлатиб шакллантиришда 
порталтишнинг хусусиятлари
§ 348. Траншея зарядларини шакллантиришда экскаватор (траншеяковлагич) ва траншеяга 
ПМ жойлаштирадиган кран орасидаги масофа, экскаватор ва кран чўмичлари радиуслари 
(бурилишлари) йиғиндисини камида 1,1 баробарига, кран ва тиқинлашни (кўмишни) бажарадиган 
бульдозер орасидаги масофа эса кран чўмичи радиусини (бурилишини) камида 1,1 баробарига 
тенг бўлиши керак. 
§ 349. Чизиқий ( узунасига қўйилган) зарядлар бир суткадан ортиқ вақтда зарядланганда, 
портлатиш бажариладиган кунда шай-патронларни ётқизиш зарур.
§ 350. Мураккаб кон-геология (жинслар музлаган ва шу каби) шароитларда, ноэлектрик 
детонаторлар ва детонацияловчи шнурлар билан D гуруҳига ( тутунли порохдан ташқари) оид 
портловчи моддаларнинг зарядларини портлатишда кон иншооти ўтказилгандан кейин бевосита 
узайтирилган горизонтал (ёриқ, траншея) зарядларини жойлаштиришга рухсат этилади. Кўп 
чўмичли экскаватордан заряднинг орқада қолиши камида 5 м, бир чўмичли экскаватордан эса 
камида 10 м бўлиши керак.
 
8. Музни портлатиш ва ерости портлатиш ишларининг хусусиятлари 
8.1. Умумий талаблар 
§ 351. Дарё, кўл ва бошқа сув ҳавзаларида музни портлатиш ва ерости портлатиш ишлари, 
фақат тегишли назорат органлари билан келишувга биноан ўтказилиши мумкин.
Бу ишларда ғаввослар меҳнатидан фойдаланилганда ғаввослик ишлари бўйича тегишли 
хавфсизлик қоидалари амал қилиши зарур.