Гормонал препаратлар

Препаратлар

Номи	Чиқариш шакллари
Соматотропин- Somatotropinum	Таркибида 2 ва 4 ТБ препарат бўлган флаконлар
Октреотид- Octreotide	Таркибида 0,00005; 0,0001 ва 0,0005 г препарат бўлган ампулалар; 0,001 г препарт бўлган флаконлар
Кортикотропин- Corticotropinum	10,20,30, ва 40 ТБ тутган флаконлар (киритилишдан олдин эритилади)
Менопауза гонадотропини- Gonadotropinum menopaustieum	75 ТБ препарат тутган флаконлар (киритишдан аввал эритилади)
Хорионик гонадотропин- Gonadotropinum chorionicum	500; 1000; 1500 и 2000 ТБ препарат тутган флаконлар (киритишдан аввал эритилади)
Лактин -Lactinum	100-200 ТБ препарат тутган флаконлар (киритишдан аввал эритилади)
Окситоцин- Oxytocinum	1 мл (5ТБ) препарат тутган ампула
Питуитрин- Pituitrinum	1 мл (5ТБ) препарат тутган ампула
Адиурекрин- Adiurecrinum	1,5 мл препарат бўлган томчилаш тюбиклари. 5мл (20 ТБ/мл) препарат тутган флакон.
Тиротропин- Thyrotropinum	100 ЕД препарат тутган флаконлар (extempore эритилади.)

Эпифиз гормонлари препаратлари.
Эпифиз (ғуррасимон ёки пинеал без) ҳар-хил биологик фаол бирикмалар шу жумладан, кўпинча пептидлар тутади. Эпифизнинг асосий гормони бўлиб мелатонин¹ ҳисобланади. У эпифизнинг ҳужайралари (пинеалоцитлар)да серотониндан ҳосил бўлади, шу сабабли уни (триптофан) аминокислоталар ҳосиласига мансуб деб ҳисбланади.Мелатонинниг асосий функцияси, чамаси ташқи муҳитни ёритилганлиги ҳақидаги маълумотларни бир кунлик биологик (циркат) ритмларни кейинги навбатда бошқариш учун қайта ишлашдан иборатдир. Эпифизга ташқи ёруғлик информацияси қуйидаги йўл билан тушади: кўзнинг тўр пардаси → гипоталамуснинг супрахиазматик ядролари → бўйиндаги юқориги симпатик гангли → симпатик нервлар → эпифиз. Инсонларда мелотанинни энг кўп миқдори тунда ишлаб чиқаради. Демак, кўз тўр пардасини ёруғлик билан рағбатлантириш сусайганда мелотанинни синтези ортади. Физиологик ва ташқи таъсиротларга жавоб беришини кунлик бошқаруви мелотанинни репродуктив система фаоллигига мавсумий таъсир билан тўлдирилади. Мелатонин ўртача ухлатувчи, тана хароратини тушириш, лютеинлаштирувчи гормон ажралишини сусайтириш таъсирига эга. Вақт поясларини кескин ўзгаришларида (масалан, катта масофаларни тайёраларда босиб ўтилганда) кунлик ритмларга (айниқса уйқу) меёрлаштирувчи таъсир мелатонинда кучли ифодаланган. Бундан ташқари унда антиоксидантлик ва иммун тизимига рағбатлантирувчи фаолликлар аниқланган.
Мелатонинни таъсирлари уни фақат ўзига ҳос бўлган мелатонин рецепторлари (Me1 IA, IB, IC) билан ўзаро таъсироти туфайли юзага келади. Улар кўп миқдорда супрахиазматик ядролар, кўзнинг тўр пардасида аниқланган. Шу билан бир қаторда улар таламуснинг паравентрикуляр ядролари, олдинги гипоталамус, бош миянинг кўпгина қисимларида, хамда баъзи периферик тўқималарда (масалан тери безларида), лимфоцитларда жойлашганлар.
Мелатониннинг препарати (м е л а к с е н) узоқ масофаларни тайёралар
¹ Мелатонин бу N-5- метокситриптаминдир воситасида босиб ўтишда биоритмни бошқариш учун қўлланилади. Бу уйқу – тетиклик циклларини мейёрлашувида намоён бўлади. Асосий натижа эпифиз гормонал фаоллигининг соатпоясларини тез алмашинувига адаптацияси (мослашуви) билан боғлиқ. Препаратни кечқурун (ичиш ёки тил остига)¹ қўйиш тавсия этилади. У овқат хазм қилиш трактидан яхши ва тез сўрилади. Гематоэнцефалик тўсиқдан осон ўтади. Тез парчаланади (метаболизми тез кечади). Нохуш асоратлари: уйғонгандан кейин уйқусираш (мудроқ босиш), кучсизроқ даражада, катта бўлмаган шишлар.