Glossariy abiogenez

Kinematik qovushqoqlik – suyuqlikni dinamik qovushqoqligining uning solishtirma og‘irligiga nisbati bo‘lib, SI sistemasida 1 m²/s (stoks)da o‘lchanadi.
Kislorod – Mendeleev davriy jadvalining 16 guruhiga tegishli bo‘lib, lotincha Oxygen so‘zidan O ramziy ifodasi bilan belgilangan. Atom raqami - 8. Har bir atomida sakkiztadan protonlar mavjud bo‘ladi. Shuningdek kislorod yadrosida sakkiztadan neytronlar bo‘ladi. Kislorod - Yer sayyorasi atmosferasida tarqalganligi bo‘yicha ikkinchi kimyoviy element (azotdan so‘ng) . U barcha tirik organizmlar uchun g’oyat muhim va zaruriy element hisoblanadi. Kislorod boshqa elementlar bilan murakkab birikmalar hosil qiladi va turli moddalar tarkibida asosiy o‘rin tutuvchi hisoblanadi. Kislorod yer po‘stlogining ham 47.4 % ga yaqin qismini tashkil qiladi. Butun olamda esa, kislorod vodorod va geliydan keyingi uchunchi eng keng tarqalgan kimyoviy element hisoblanadi.
Klark – Yer qobig’i yoki uning bir qismidagi kimyoviy elementlarning o’rtacha miqdori.
Ko‘mir – kelib chiqishi bo‘yicha daraxtsimon o‘simliklar qoldiqlaridan hosil bo‘lgan gumusli ko‘mir, daraxtsimon o‘simliklarning urug‘lari, kutikulalari, probkasi, qobig‘i va boshqa smolali qismlaridan iborat lipitobiolitlar va suvo‘tlaridan kelib chiqqan sopropelitli turlarga bo‘linadi.
Koks (nem. Koks, ing. soke) — tabiiy yoqilg‘ilar (toshko‘mir, neft, torf va b.) yoki ularning qayta ishlangan mahsulotlarini havo ishtirokisiz 950—1050°C gacha qizdirish (kokslash) jarayonida hosil bo‘ladigan uglerodli qattiq qoldiq.
Kolliziya – (lot. collisio) - qarama-qarshi fikrlarni, qarashlarni to‘qnashuvi). Geologiyada, ayniqsa plitalar tektonikasi nazariyasida, qit’alar, plitalar, kichik, mayda plitalar to‘qnashuvi jarayoni.
Kometalar (yun. kometes — uzun sochli) — Quyosh sistemasiga kiradigan kichik osmon jismlari. K.ning Quyosh atrofidagi harakat yo‘llari (orbitalari) kichik sayyoralarnikiga qaraganda ancha cho‘ziq bo‘lgani uchun Quyoshga yaqinlashgandagina ko‘rinadi.
Kondensat – tabiiy xolatda qatlamda suyuq bo‘lgan eng yengil uglevodorodlardir. Bularga neptan (normal va izomer holda), geksan, geptan kabi engil uglevodarodlar kiradi. Kondensatlar gazokondensat konlarida tabiiy gaz tarkibida erigan holda uchraydi.