Глоссарий

Поршенли насос асосидаги сувоқ агрегати тебранувчи цилиндрли бўлиб меҳнат унумдорлиги 1 м³/соат ташкил этади (11.6-расм) ва у қурилиш қоришмасини қабул қилиш, сизиш, тайёр ҳолга олиб келиш, узатиш ва тайёрланган юзага сувашга мўлжалланган. У енгил монтаж ва демонтаж қилинадиган асосий тугунлар ва ўзаро резина-тўқимали шланг ҳамда тез ечиладиган бирикма билан бирлаштирилган қоришма насоси ва виброэлакли қабул қилувчи бункердан иборат бўлиб ғилдиракли мустақил рамага ўрнатилган.

11.6− расм.Поршенли насос асосидаги сувоқ агрегати.
Винтли насос асосидаги сувоқ машина ва агрегатлари кичик габаритли юқори меҳнат унумдорлигига эга мобил машина бўлиб қуруқ аралашмалар ва декоратив пардоз таркибли сувоқ қоришмаларин тайёрлаш, узатиш ва пардозланадиган юзаларга суваш учун мўлжалланган (11.7-расм).

11.7-расм. Винтли насос асосидаги сувоқ машинаси.
Машинанинг унумдорлиги 2 м³/соат, узатиш масофаси горизонтал бўйлаб 45 м, вертикал бўйлаб 30 м.
Торкретлаш машиналари ва қурилмалари кучли нам таъсирида бўладиган хоналарни ва иншоотларни пардозлашда қўлланилади. Уларнинг юзалари сув ўтказмайдиган ҳимоя қатламли махсус торкрет сувоғи билан қопланади. Ушбу сувоқ юзага сув билан аралаштирилган цемент-қумли қоришмани ёки майда донали бетон қоришмасини босим остида сопло ёки сувоқ форсункаси орқали сачратиб сепиш (торкретлаш) орқали олинади. Соплодан чиқадиган қоришма куч билан қопланадиган юзага урилиб устб борадиган зич қатлам ҳосил қилади ва қотгандан сўнг сув ўтказмас ва юқори механик мустаҳкамликка эга бўлади.
Қуруқ ва ҳўл торкретлаш мавжуд. Қуруқ торкретлашда қуруқ торкрет аралашмаси сиқилган ҳаво ёрдамида шланг орқали соплога узатилади ва у соплога бошқа шланг орқали ўзатилган сув билан аралашади. Ҳўл торкретлашда пневматик ёки механик сувоқ форсункасига тайёр қоришма босим остида берилади. Ҳўл торкретлаш пневмоҳайдагичлар, винтли ва поршенли қоришма насослар ёрдамида бажарилади. Қуруқ торкретлаш учун кўчма камерали қурилмалар ва роторли машиналар қўлланилади.
-расмда қурилиш конструкциялари ва иншоотлар (резервуар, туннел ва б.) нинг юзаларини гидроизоляция қилишда ҳамда қолипсиз бетонлашда қўлланиладиган кўчма бир камерали торкрет қурилманинг умумий схемаси кўрсатилган.