Глоссарий

7.3-расм занжирли траншеяли экскаватор.
а) ковшли иш органига эга бўлган экскаватор схемаси; б) қирғичли иш органи схемаси. Юкловчи бункер; 2- юқори вал; 3- занжир; 4- ковшли раманинг бурилиш ўқи; 5- қазиш чуқурлиги датчиги; 6-копир сими; 7- дренаж трубаларини ётқизиш учуш мослама; 8- ковшли рама; 9- ковш; 10- гусеницали аравачанинг рамаси; 11-узатувчи лентали конвейер; 12- асосий рама; 13- двигатель; 14-қирғич; 15- кескич; 16- винтли конвейер.



7.4 –расм Қирғичли иш органи схемаси.


7.3.1. Занжирли траншеяли экскаваторлар

Иш унумдорлиги 220 м³/соат қазиладиган хандақнинг чуқурлиги 3,5 ва эни 1,1 м бўлган ҳолда ишлаб чиқарилади. (7.3-расм) Занжирли экскаваторларнинг иш органи бир ёки икки қаторли ролик-втулкали занжир 3, ёпиқ контурда эгиладиган рама 8 ва ковш 9 ни олиб юрувчи қирғичлардан иборат. Грунтни қазиш пайтида қия юзада ковш навбатма-навбат тўлдириш орқали ,бунда уринма ва кўндаланг кучлар таъсирида амалга оширилади.Грунт тўлдирилган ковш вал 2 нинг юқори қисмида айланиш вақтида грунтни юклайдиган бункер 1 га тушади. Бункер 1 тагида жойлашган лентали конвейер грунтни отвалга ёки траншеянинг лабига чиқаради. Конвейер 11 машина ўқига нисбатан ўнга ёки чапга томон ҳаракатланади ва грунтни исталаган томонга ташлаш имконини беради. Ковшли занжир 3 ва конвейер двигатель 13 редуктор ва занжирли узатма ёрдамида ҳаракатланади . Занжирнинг тезлиги 1,2м/с ни ташкил этади.

Траншея энини кенгайтириш мақсадида уларга кенгайтиргич, кам боғланган грунтлар траншеяга қайтиб тушмаслигини таъминлайдиган фрезалар билан таъминланади. бир занжирли қирғичли иш жиҳози сериявий ишлаб чиқарилаётган тракторларга қўлланилади ва траншеяни чуқурлиги 1,6 м ва эни 0,2...0,4 м бўлиб I...III категорияли грунтларда ишлайди. Бу экскаваторларнинг иш унумдорлиги 60...80 м³ ни ташкил этади.

.

7.5-расм Ротор - траншеяли экскаватор;
1- ишчи жихознинг рамаси; 2- кўтариш механизми гидроцилиндри; 3- юритманинг занжирли узатмаси; 4- лентали узатувчи конвейер; 5- тозаловчи башмоқ; 6- пичоқли қирра ҳосил қилгич; 7- ротор; 8- ковш.