Глоссарий

Кейслар банки
Кейснинг мавзуси: Гидромуфта етарли илашишни таъминлай олмаяпти.
Кейснинг вазифаси- Гидромуфтанинг илашиш эффективлиги пасайишини келтириб чиқарадиган сабабларини ўрганиш.
Муаммони ҳал қилиш йўлларини излаш керак
Кейсни бажариш босқичилари ва топшириқлар:
- гидромуфтанинг илашиш эффективлигини пасайишига сабаб бўладиган сабабларини ўрганиш.
- илашиш эффективлигини камайтиригга қаратилган усулларни ишлаб чиқиш (индивидуал ишлаш)
- кейс ечимини шакллантириш ва асослаш, тақдимот. (индивидуал
ишлаш)
Адабиётлар
2.3.4.5.6.7.

4-мавзу


Қурилиш машиналари тўғрисида асосий маълумотлар.


Режа:

1. 
   Қурилиш машиналарининг куч узатмалари ва юритмалари.
   
2. 
   Трансмиссиянинг йиғма бирликлари.
   
3. 
   Гидравлик юритмалар.
   
4. 
   Электр юритмалар.
   
5. 
   Ички ёнув двигателлари.
   

Таянч сўзлар: вал, ўқ, червяк, звено, номинал қувват, трансмиссия, поршен, туртгич, сиғим, трансмиссион мой, босим, насос, такт, сиқиш такти, поршень йўли, сиқиш камераси, чиқариш клапани, шток, гидроцилиндр, статор, ротор, чулғам, фаза.


4.1 .Қурилиш машиналарининг куч узатмалари ва юритмалари

Энергия манбаининг ҳаракати иш жиҳози, юриш қисми ва машинанинг барча бошқа йиғма бирликларига узатмалар ёрдамида узатилади.Узатмалар ҳаракатни узатибгина қолмай, унинг тезлигини, айрим ҳолларда эса унинг характерини ва йўналишини ҳам ўзгартириб беради.

Узатмалар механик, гидравлик ва электрик ва пневматик бўлиши мумкин. Механик узатмалар ишқаланиш ҳисобига (унга тасмали ва фрикцион узатмалар киради) ва илашиш ҳисобига узатувчи (тишли, червякли ва занжирли узатмалар) бўлиши мумкин.
Механик узатма ўзаро бирлашиб, комплекс ҳолда ишлайдиган деталлар группасидан (вал, ўқ, тишли ғилдираклар, подшипниклар, муфталар ва тормозлар) дан ташкил топган бўлади. Узатманинг самарали ва узоқ муддат ишлашида унинг ҳар бир деталининг чидамлилиги, қандай материалдан тайёрланганлиги, ишқаланишга қаршилик кўрсата олиши ва шу каби кўрсаткичлар катта аҳамиятга эга.