Глоссарий

4.4-расм Гидроцилиндрларнинг схемаси

Икки йўналишда ишлайдиган гидроцилиндрлар бир томонлама штокли ва икки томонламак штокли бўлади. Қўзғалувчан звенони узоқроқ масофага (2.5...3 м гача) керак бўлганда телескопик гидроцилиндрлардан қўлланилади. Гидроцилиндрнинг шток жойлашган бўшлиғи шток бўшлиғи деб, поршень жойлашган бўшлиғи поршен бўшлиғи деб айтилади. Иш суюқлиги шток ва поршень бўшлиқларига штуцерлар 7ва 8 орқали киритилади. Поршень 6 ни тиғишлаш йўли билан шток ва поршень бўшлиқлари герметикланади. Иш суюқлигининг шток бўшлиғидан сизишига тиғизлагич 4 тўсқинлик қилади. Цилиндрнинг охирги қисмида уни машина элементларига бириктириш учун тешиклари бўлади. Гидроцилиндрнинг асосий параметрлари- цилиндрнинг ички диаметрлари, шток диаметри, пошень йўли ва номинал босим. Қурилиш машиналарида мойнинг босими 20 ИПа гача бўлган гидросистемалар қўлланилади. Цилиндрларнинг диаметрлари Д_ц= 40...220 мм, поршень йўли эса кўпи билан 10 Д_ц га тенг қилиб олинади. Цилиндр штогига таъсир қилувчи куч(Па)

Р = рF_п га тенг бўлади.
Гидротрансмисияга гидронасослар ва гидромоторлардан ташқари сақлагич, тақсимлагич, ростлагич, қурилмалар, бирлаштирувчи арматуралар, суюқлик идишларива фильтрлар киради.
Сақлагич клапанлар ҳайдаш йўлига берилаётган суюқлик миқдорини камайтиришга ёки бутунлай тўхтатиб қўйиш учун қўлланилади.
Редукцион клапан- насос ҳосил қиладиган босимдан қатъий назар ҳайдаш йўлида бир хил босимни сақлаб туриш учун хизмат қилади.
Тескари клапанлар- суюқликни трубаларда фақат бир томога ўтказиб туриш учун хизмат қилади.
Дросселлар- суюқлик сарфини ростлаш учун хизмат қилади. Бунинг учун суюқлик йўлига қаршиликлар ўрнатилади, улар суюқликнинг ўтиш кесимини ўзгартиради, натижада суюқлик сарфи ўзгаради.
Гидротақсимлагичлар суюқлик оқимини бошқариш учун хизмат қилади. Улар золотникли,клапанли,ва жўмракли турдаги гидротақсимлагичларга бўлинади. Трубопроводларнинг диаметри ҳайдаш трубопроводларида суюқликнинг тезлиги 8 м/с дан, тўкиш трубопрводларида эса 5 м/с дан ва сўриш трубопроводларида 1,5 м/с дан ошмайдиган қилиб қабул қилинган.