Глоссарий

Амалий иш №12
Сувоқчилик ва бўёқчилик кўчма станциялари билан танишиш.

1. 
   Талабаларга сувоқчилик ва бўёқчилик ишларида ишлатиладиган кўчма станциялар тузилиши,иш принципи ва фойдаланиш кўрсаткичларини ўргатиш орқали уларда амалий кўникмани шакллантириш.
   
2. 
   Умумий маълумотлар.
   

Сувоқлаш станциялари – қоришмани қабул қилишда,уни сақлаш,ҳар хил қўшимча қўшиш орқали қориштириш,уни иш жойига ташиб бориш ваюзаларга ишлов бериш мақсадида ишлатилади.Жихоз автоприцепда ёки судраб юрилувчи аравачада махкамланади. Унинг таркибига оқимга қарши насос ишлатилади унинг яхши қоришмани сўриш хусусияти ва цилиндр-поршен гурухининг ресурси 2000 мото.соат эканлиги алохида ахамиятга эга.

.12.1-расм. Бир цилиндрли тескари поршенли қоришма насосларининг принципиал схемаси.
1-Электродвигатель; 2- тасмали редуктор; 3- сақловчи клапан; 4- икки тезликли редуктор. 5- шатун. 6-шток; 7- камера; 8- сўрувчи потрубка; 9- ортиқча босим клапани; 10- сўрувчи трубопровод; 11- ҳаво ресивери; 12-манометр; 13- клапан; 14- поршень; 15- ишчи камера; 16- ишчи цилиндр;

12.1- расмда бир цилиндрли тескари поршенли қоришма насосларининг принципиал схемаси тасвирланган. Насос ҳаракатни электродвигатель 1 орқали тасмали редуктор 2 ва икки тезликли редуктор 4 орқали олади. Илгариланма қайтма ҳаракатланадиган поршень Ишчи цилиндр 16 нинг илгариланма қайтма ҳаракатланадиган поршени 14 редуктор чиқиш вали билан шток 6 ва шатун 5 орқали боғланади. Ишчи камера 15 сўрувчи трубка 8 ва клапан 9 орқали ёпилади.,сўрувчи трубопровод 10 эса клапан 13 орқали ёпилади. Поршень ўнг томога ҳаракатланса камерада сийракланиш содир бўлади,бунда клапан 13 ўзининг уясида сиқилади,клапан 9 кўтарилади .Поршень чап томонга ҳаракатланганда ишчи камерадаги ортиқча босим клапан 9 ўзининг хусусий оғирлиги билан ёпилади, клапан 13 очилади,бунда қоришма қоришма қувурига қўйиб юборилади. Ҳаво ресивери 11 пульсацияни камайтиради, босимни эса манометр 12 орқали назорат қилинади. Ишчи цилиндр 16 камера 7 да сув билан совитилади. Трансмиссияни синишдан сақлаш мақсадида сақловчи клапан 3 киритилган. (экстремал шароитларда двигателни насосдан узган ҳолда қўлланилади). Қоришма узатиш тезлиги 2 м³/с дан 4 м³/с гача бўлади.