Гистология цитология ва эмбриология проф. Қ. Р. Тўхтаев таҳрири остида

 
ИНГИЧКА ИЧАК
Анатомик жиҳатдан ингичка ичак меъдадан кейин жойлашган, ўртача 
5-6 м бўлиб, учта қисмдан иборат: ўн икки бармоқли, оч ва ѐн бош ичаклар.
Физиологик жиҳатдан ингичка ичакда озиқ моддаларнинг охиригача 
парчаланиши ва сўрилиши билан боғлиқ жараѐнлар амалга ошади. Бу ерда 
барча озиқ моддалар - оқсил, ѐғ ва карбон сувлар кимѐвий жиҳатдан қайта 
ишланади, яъни парчаланади.
Оқсилларни
парчалашда меъда ости бези шираси ферментлари – 
трипсин, химотрипсин, коллагеназа, эластаза, карбоксилаза ва ичак шираси 
ферментлари - энтерокиназа, аминопептидаза, лейцинаминопептидаза, 
аланинаминопептидаза, три- ва дипептидазалар иштирок этади.
Углеводларни
парчалашда ҳам меъда ости ва ичак ферментлари – β-
амилаза, амило-1,6-глюкозидаза, олиго-1,6-гликозидаза, мальтаза (α-
гликозидаза), лактазалар иштирок этади.
 Ёғларни
парчалаш жараѐнини панкреатик ва ичак липазаси амалга 
оширади. Ёғлар парчаланиши натижасида ѐғ кислотаси, глицерин ва 
моноглицеридлар ҳосил бўлади.
Ингичка ичакда 
шунингдек, 
оқсил, углевод 
ва 
ѐғларнинг 
парчаланишидан ҳосил бўлган моддаларнинг қон ва лимфага 
сўрилиши
амалга оширилади.
Ичак 
механик
вазифани ҳам бажаради, яъни химуснинг ичак бўйлаб 
ҳаракатини таъминлайди. Бу жараѐн ичак мушак пардасининг перистальтик 
қисқариши туфайли амалга оширилади. 
Ичакнинг 
эндокрин
вазифасига махсус секретор ҳужайралар томонидан 
ишлаб чиқарувчи биологик актив моддалар киради. Уларга – серотонин, 
гистамин, 
мотилин, 
секретин, 
энтероглюкагон, 
холицистокинин, 
панкреазимин, гастрин ва гастринни ингибирловчи фактор киради.

Тараққиёти.
 
Эмбрион ривожланишининг 5-ҳафтасида бирламчи ичак 
найининг ўрта қисмининг олдинги бўлимидан ўн икки бармоқли, ўрта 
бўлимидан оч, ѐнбош ва йўғон ичаклар, орқа бўлимидан тўғри ичаклар ҳосил 
бўлади. Ворсинка ва крипталар эпителийси, шунингдек дуоденал безлар ичак 
эндодермасидан тараққий этади. Дастлаб эпителий бир қаторли кубсимон, 
кейинчалик икки қаторли призматик бўлиб, 7-8- ҳафталарига келиб эса бир 
қаторли призматик эпителийга айланади. Ривожланишнинг 8-10- 
ҳафталарида ворсинка ва крипталар, 20-24-ҳафталари давомида циркуляр 
бурмалар шаклланади. Шу вақтда дуоденал безлар ҳам ривожланади. 4-
ҳафталик эмбрионда ичак эпителийси ҳужайралари такомиллашмаган 
бўлади, уларнинг пролифератив активлиги юқори эканлиги кузатилади. 
Эпителиоцитларнинг такомиллашуви 6-12-ҳафталарига келиб бошланади. 
Дастлаб устунсимон эпителиоцитлар (жиякли энтероцитлар) пайдо бўлади, 
уларда микроворсинкалар интенсив ривожланади ва резорбция юзаси кескин 
ошади. 
Гликокаликс 
туғилишга 
яқин 
ривожланади. 
Бу 
даврда 

---

эпителиоцитларда резорбция жараѐнининг ультраструктур белгилари 
кузатилади – везикулалар, лизосомалар, мультивезикуляр ва мекониал 
таначалар сони ортади.
Қадаҳсимон 
экзокриноцитлар 
ривожланишнинг 
5-ҳафтасида, 
эндокриноцитлар 
эса 
6-ҳафтасида 
такомиллашади. 
Бу 
даврда 
эндокриноцитлардан EC, G ва S-ҳужайралар пайдо бўлади.
Ингичка ичак шиллиқ пардасининг хусусий қавати ва шиллиқ ости 
пардаси эмбриогенезнинг 7—8-ҳафталарида мезенхимадан тараққий этади.
Ингичка ичакнинг мушак пардаси ҳам мезенхимадан ривожланиб, 
турлича даврларга бўлинади: ривожланишнинг 7-8-ҳафталарида мушак 
парданинг ички айлана, 8-9-ҳафталарида – ташқи бўйлама қаватлари, ва 
ниҳоят, 24-28-ҳафталарида шиллиқ парданинг мушакли пластинкаси ҳосил 
бўлади.
Ингичка ичакнинг сероз пардаси эмбриогенезнинг 5-ҳафтасида 
мезенхимадан – бириктирувчи тўқимали қисми, мезодерманинг висцерал 
варағидан – мезотелий ҳосил бўлади.