Гистология цитология ва эмбриология проф. Қ. Р. Тўхтаев таҳрири остида

бир қаватли призматик
жиякли эпителий
билан қопланган. Ворсинкалар эпителийси крипталар 
эпителийсининг давоми ҳисобланади ва 3 хил: «жиякли» призматик 
(энтероцитлар), қадаҳсимон ва эндокрин ҳужайралардан ташкил топган. 
Крипталар эпителийсида юқорида кўрсатилган ҳужайралардан ташқари, Панет 
ҳужайралари, ихтисослашмаган «жияксиз» ҳужайралар ва энтероэндокрин 
ҳужайралар ҳам бўлади. Пейер пилакчаларининг лимфоид фолликулалари 
юзасидаги эпителий таркибида «тукли» - нейроэпителиал ва М-ҳужайралар 
учрайди. 
Жиякли призматик ҳужайралар (энтероцитлар)
ворсинкалар 
эпителийсининг асосий ҳужайраларини ташкил этади. Баландлиги 22-26 мкм, 
эни 8 мкм, шакли цилиндрсимон (призматик), чўзинчоқ ядроси ҳужайранинг 
базал қисмида жойлашган. Апикал плазмолемма микроворсинкалардан 
иборат «жияк» (ҳошия) ҳосил қилади. Ҳар бир ҳужайрада микроворсинкалар 
2—3 мингга яқин бўлса, ингичка ичак шиллиқ юзасининг 1 мм
2
да уларнинг 
сони 200 млн га тўғри келади. Микроворсинкаларнинг баландлиги тахминан 
1 мкм, диаметри 0,1 мкм га тенг. 
Айлана бурмалар ичак юзасини 3, ворсинкалар 10, микроворсинкалар 
20 мартагача оширса, биргаликда улар ичак юзасини 600 мартага оширади, 
бунда ичак юзаси 200 м
2 
га етади.
Ҳар бир микроворсинка уч қисмдан ташкил топган. Микроворсинкалар 
юзасида липопротеид ва гликозамингликанлардан ташкил топган
гликокаликс
жойлашган. Марказий қисмида вертикал жойлашган
актин
микрофиламентларидан
иборат тутамлар мавжуд. Улар юқорида 
ворсинкалар юзасидаги плазмолемма билан бирикса, қуйи қисмида 
ҳужайранинг апикал цитоплазмасида, яъни микроворсинкалар асосида 
жойлашган 
терминал тўр
(горизонтал йўналган актин ва миозин 
микрофиламентлар тўри) билан бирикади. Терминал тўр микрофиламентлари 
қўшни энтероцитлар билан қўшилиб, ҳужайраларнинг апикал қисмида зич 
ҳужайралараро бирикмаларни ҳосил қилади. 

---

Энтероцитларни қоплаб турган гликокаликс таркибида фосфатаза, 
аминопептидаза, инвертаза, нуклеозиддифосфатаза, гликозидаза, малтаза, 
лактаза, сахараза ва бошқа ферментлар аниқланган. Бу микроворсинкалар 
фақатгина ҳужайранинг сўриш юзасини ошириб қолмай, балки сўриладиган 
моддаларни парчалашда ҳам актив иштирок этишини кўрсатади. Ушбу 
жараѐн 
деворий ҳазм
деб номланади. 
Энтероцитларда аниқ қутбланишни кузатиш мумкин. Ядро, донадор 
эндоплазматик тўр ва рибосомалар ҳужайранинг базал қисмида жойлашган. 
Голжи мажмуаси ядро устида жойлашган, ундан ҳосил бўлган лизосомалар 
ва секретор везикулалар ҳужайранинг апикал ва латерал қисмида тўпланади. 
Терминал тўр остида ѐғлар сўрилишида иштирок этувчи силлиқ 
эндоплазматик тўр цистерналари жойлашган. Митохондриялар ҳужайра 
цитоплазмасида бир хил тарқалган. 
Энтероцитларнинг латерал плазмолеммаси бурмалар ҳосил қилади, 
улар қўшни ҳужайраларнинг худди шундай бурмаларига мутаносиб кириб 
туради. Латерал плазмолемма орасида тирқишлар ѐғларнинг лимфага
сўрилишида муҳим рол ўйнайди.