Гистология цитология ва эмбриология проф. Қ. Р. Тўхтаев таҳрири остида

Цемент
 
тишнинг илдиз ва бўйин қисмларида дентиннинг ташқи 
юзасини қоплаб турган қаттиқ модда. Цемент дентин сингари қаттиқ 
бўлмасада, кимѐвий таркиби жиҳатидан суякка яқин туради. Унинг 30%ни 
органик, 70% ни анорганик моддалар ташкил этади. Гистологик жиҳатдан 
ҳужайрали ва ҳужайрасиз цемент тафовут этилади. 
Ҳужайрасиз цемент
коллаген толалар ва аморф ѐпишқоқ моддадан иборат бўлиб, тиш илдизини 
ўраб туради. Коллаген толалар радиал ва кўндаланг йўналган. Радиал толалар 
периодонт орқали тиш жойлашган альвеоляр суякка тешиб кирувчи 
Шарпей 
толаларини
ҳосил қилади. Бу коллаген толаларнинг ички учи дентиннинг 

---

радиал коллаген толалари билан туташади. 
Ҳужайрали цемент
тиш 
илдизининг учки қисмида жойлашган бўлиб, цементобласт ҳужайраларидан 
ва асосий моддадан иборат. Ҳужайрали цементда коллаген толалар бетартиб 
жойлашади ва шу сабабли дағал толали суякни эслатади. Лекин суякдан қон 
томирларининг 
бўлмаслиги 
билан 
фарқланади. 
Цементобластлар 
периодонтда жойлашган томирлардан диффуз йўли билан озиқланади. 
Дентин каналчалари билан цементобласт ҳужайраларининг ўсиқлари 
ўртасида анастомозлар бўлиб, улар муҳим аҳамиятга эга. Пулпанинг қон 
билан таъминланиши бузилганда (яллиғланганда, пулпа олиб ташланганда, 
тиш илдизлари пломбаланганда) ушбу анастомозлар орқали дентиннинг 
озиқланиши таъминланади. 
Пулпа
 
тиш тожи бўшлиғида ва илдиз каналчаларида ѐтади. Пулпа қон 
томирлар ва нерв толаларига бой сийрак толали шаклланмаган бирикти-
рувчи тўқимадан ташкил топган бўлиб, унда учта: периферик ѐки ташқи, 
оралиқ ва марказий зоналар тафовут қилинади (расм 16.6).

Пулпанинг 

периферик зонаси
бир неча қатор бўлиб жойлашган 
одонтобластлардан ташкил топган. Уларнинг цитоплазмаси майда донадор, 
базофил бўлиб, ядроси ҳужайранинг базал қисмида жойлашган. Бу 
ҳужайралар ўз вазифасига кўра остеобластларга ўхшаб кетади. Бу ерда 
одонтобластлардан ташқари, преколлаген толалар ҳам учрайди. Бу толалар 
ҳужайралар орасидан ўтиб, дентинга киради ва дентиннинг коллаген 
толаларига қўшилиб кетади.
Оралиқ зона
преколлаген толалардан ва майда камбиал ҳужайралардан 
(преодонтобластлар) ташкил топган бўлиб, бу ҳужайралар такомиллашиб 
одонтобластларга айланади.