Gimnastika (yakkakurash, koordinatsion va siklik sport turlari)

7.8. Irgitish va ilib olish

Bu guruh mashqlariga to‘plarni (to‘ldirma, futbol) va gim­ nastika tayoqchasini irg‘itish va ilib olish hamda ikki va undan ortiq to‘plarni yoki qandaydir boshqa buyumlarni irg‘itish va ilib

olishlarni kiritish mumkin. Quyidagilar katta to‘plarni (shu jumladan, toldirma to‘plarini) irg‘itish va ilib olish mashqlariga misol bo‘la oladi: to‘pni pastdan irg‘itish, bosh orqasidan irg'itish, ikki qo‘l bilan ko‘krakdan irg‘itish, shuning o‘zini bir qo‘l bilan bajarish, to‘pni yelkadan bir qo‘llab va ikki qo‘llab irg‘itish, yelka orqasidan bir qo‘llab tashlangan to‘pni ikki qo‘llab ilib olish, to‘pni o‘z oldida yoki yon tomonlama ilib olish, to‘pni bosh ustida, orqada uni aylanib ilib olish, to‘pni to‘piqlar bilan qisib olib yuqoriga irg‘itish.
Gimnastika tayoqchasini iig‘itish va ilib olish — gorizontal vertikal va engashgan holatlarda, irg‘itishdan, shuningdek, uni havoda uzunasiga joylashgan o‘q va ko‘ndalang o‘q atrofida ayla-nadigan qilib tashlashdan va bir qo‘l yoki ikki qo‘l bilan har xil ushlash usullari bilan ilib olishdan iboratdir.
Oshirib otish. Bu guruhga xos mashqlardan biri katta rezina yoki to‘ldirma to‘plami bir-biriga oshirib otish.
Yuqorida bayon qilingan mashqlardan tashqari, bir-biriga oshirib otadigan quyidagi mashqlar ham qo‘llaniladi, to‘pni bir qo‘l bilan yonboshdan siltab uloqtirish; oyoqlarni kerib oldinga en-gashib turib, to‘pni boshdan oshirib orqaga otish; to‘pni oyoqlar bilan orqaga otish, to‘pni oyoqlar bilan oldinga-yuqoriga uloqtirish.