Гидрогеология ва инженерлик геологияси

9-маъруза:
ГРУНТШУНОСЛИК АСОСЛАРИ
Режа:
1. Грунтлар ҳақида тушунча. Уларнинг таркиби, гранулометрик таркиби, унинг классификацияси ва аниқлаш усуллари.
2. Грунтлариниг физик хоссалари. Грунтлар зичлиги, намлиги, ғоваклиги, пластиклиги.
Тавсия этиладиган адабиётлар:
1. И. Эргашев. Инженерлик геологияси ва гидрогеологияси. - Тошкент, Ўқитувчи, 1990.
2. И.Эргашев. Инженерлик геологияси асослари амалий машғулотлар. - Тошкент, Ўзбекистон, 1992.
3. М.Ш. Шерматов. Гидрогеология ва инженер-лик геологияси асослари. Ўқув қўлланма. –Тошкент, Феникс, 2005.
4. В.П. Ананьев, А.Д. Патапов. Инженерная гео-логия.- М.: Высшая школа, 2008.

Грунтлар - ернинг устки қисмини ташкил қилувчи заррачалар скелети-дан иборат геологик тоғ жинсларидир. Улар орасидаги ғовакликлар ҳаво ёки сув билан қисман ёки тўлиқ тўлган ҳолатда бўлиши мумкин.
Грунтлар - булар нураган тоғ жинслари ва тупроқ бўлиб, ер тош қобиғининг юқори қисмларида ётади, инсоннинг ишлаб чиқариш фаолияти доирасига бўлиб, бино ва иншоотларга асос ёки материал бўлиши мумкин. Грунтшуносликда асосан ер ташқи сиртида кенг тарқалган, заррачалари бир-бири билан боғланмаган ва заррачалари бир-бирига билан боғланган грунтлар ўрганилади.
Грунтларнинг классификацияси асосан хар хил белгиларига караб синфларга, гуруҳларга, гуруҳ ичидаги гуруҳчаларга, турларига бўлинади.
Грунтлар асосан 2 та синфга бўлинади:
1) қоя тошли қаттик кристаллик структура тузилишига эга булган грунтлар синфи,
2) қоятошли бўлмаган, яъни қаттиқ структуравий тузилишга эга бўлмаган грунтлар синфи.
Қоятошли грунтлар қуйидаги турларга бўлинади:
1. Сув шимганда бир ўқ бўйлаб сиқилишга вақтинча қаршилиги бўйича жуда мустахкам, мустаҳкам, ўртача мустахкам, кам мустахкамликдаги ва ярим қоятошли бўлади.

• 
  Жуда мустаҳкам - R_c>1200 кгс/м²;
  
• 
  Мустаҳкам - 1200>R_c>500 кгс/м²;
  
• 
  Ўртача мустаҳкам - 500>R_c>150 кгс/м²
  
• 
  Мустаҳкамлиги паст - 150>R_c>50 кгс/м²;
  
• 
  Ярим қоятошли - R_c<50 кгс/м².
  

2. Сувда юмшаш коэффициентига қараб қоятошли грунтлар юмшамайдиган, юмшайдиган турларга бўлинади:

• 
  Юмшамайдиган - К_рз > 075;
  
• 
  Юмшайдиган - К_рз < 075.