Гeoгрaфия

Рекреация қызметі 
еңбек ету 
барысында жұмсалатын күш, энергияны қайта қалпына келтіруде қажетті 
алғышарт болып саналады. 
Рекреациялық қызметтің дамуы үшін қажетті болған алғышарттар:
– күнделікті қажеттіліктерінен арттырған қаржы;
– рекреация ресурстары;
– рекреациялық шаруашылықтың болуы.
Рекреациялық ресурстары
 
екі түрлі, яғни табиғи рекреация және 
мәдени-тарихи рекреацияға бөлінеді. Табиғи рекреация ресурстарына 
табиғи жағдай мен табиғи байлықтар негізінде пайда болған сарқырамалар, 
үңгірлер, бұлақтар, көркем тау баурайлары кіреді. Табиғи ортасы 
шұғыл өзгерген, тығыз инфрақұрылым жағдайында халықтың табиғат 
құшағында, арнаулы демалыс орындарында демалуға талабы күшейе 
түседi. Шыжыған ыстық жаз айларында жазықтықтарда жасайтын 
халық таулы жерлерге асығады. Тауларымыз қоңыржай ауасы, ғажайып 
өсiмдiк пен жануарлар әлемі және сауықтыру бұлақтарымен табиғи-
рекреациялық аудан ретiнде шетелдiктердi де өзiне тартып отыр.
Таулардың табиғаты шипалы және тартымды жерлерiнде емделетiн 
және демалатын орындар бар. Ташкент облысындағы «Шымған», 
Ферғана алқабындағы «Шахимардан», «Чодак», «Нанай», «Қувасай», 
«Боғи шамол», «Шартақ» демалыс зоналары және Бұхара облысындағы 
«Ситораи Мохи Хоса», Қашқадария облысындағы «Мироқи» секiлдi 
шипажайлары шетелдерде де әйгілі.
Сонымен қатар көне қалалар, кесенелер, қамалдар, сәулеткерлік 
ғимараттары, мұражайлар мемлекетіміздің мәдени мұрасын қамтиды. 
Тартымдылығы және көрнектілігімен миллиондаған адамдарды таң 
қалдырған тарихи мұраларымыз шетелдік саяхатшыларды елімізге 
қызықтырады. Міне, осындай тарихи-мәдени объектілер негізінде 
пайда болған аудандар, негізінен, Самарқант, Бұхара, Хиуа, Шахрисабз, 
Ташкент, Қоқан сияқты қалаларда орналасқан (80-сурет). Өкiнiшке орай, 
ата-бабаларымыз құрған 36 мың тарихи мұрадан 7 мыңы ғана сақталған. 
Қалғандарын отаршылдар әр түрлi жолдармен қиратқан. Қазіргі күнде 
олар үлкен қаржы мен еңбек жұмсалудың арқасында жөнделiп жатыр.