Гeoгрaфия

Өзбекстанның экономикалық және әлеуметтiк географиясы ненi 
зерттейдi? 
Сен ендi өткен сыныптарда алған бiлiмдерiң негiзiнде Жер жүзi, соның 
iшiнде, мемлекетiмiздің табиғаты туралы басқаларға да мәлiмет бере аласың. 
Олардан тыс, басқа да ғылымдар бар, яғни олар адамдардың қызметi, тұрмыс 
салты және өндiрiстiң аумақтық өзгешелiгi сияқты адамзат, қоғам өмірімен 
тiкелей байланысты. Міне, осы бiлiмдердi зерттейтiн ғылым 
экономикалық 
және әлеуметтiк география 
деп жүргізіледі. Ол тұрғындар қызметiнiң 
аумақтық құрылуымен байланысты экономикалық және әлеуметтік мәселелердi 
белгiлi бір мемлекет бойынша да, бүкiл дүние жүзi бойынша да зерттейдi. 
Бұл оқу жылында сүйiктi Отанымыз – 
Өзбекстанның экономикалық және 
әлеуметтiк географиясын
үйренесің. 
Шынында да, зауыт, фабрика, фирма, емхана, бiлiм беру орны яки 
тұрмыстық қызмет көрсету кәсiпорындары жетік ойланбай кез келген жерге 
құрылса, кiсiлердi әуреге, еңбек пен қаражатты бекер жұмсауға мәжбүр етедi. 
Нәтижеде, бұл әлеуметтiк еңбек өнiмдiлiгiнiң артуына керi әсер етедi.
Әлеуметтiк еңбек өнiмдiлiгi
– материалдық өндiрiсте жұмыс 
iстейтiн әрбiр жұмысшының есебiнен пайда болған ұлттық табыс 
мөлшерi.
Еңбек өнiмдiлiгi өндiрiстің машиналар, тәжiрибелi жұмысшылар, электр 
энергиясы, табиғи байлықтармен қамтамасыз етiлгенiне, кәсiпорын мен елді 
мекендерінің адамдарға қолайлы, әрі табиғи ортаның тапталмайтын жер-
де орналасуына, еңбекшiлердiң жасау жағдайларына, демалуы мен оларға 
мәдени-тұрмыстық қызмет көрсетілуіне де байланысты. 
Егер шикiзат, жанармай, энергия көздері мен жұмысшылар өзара қатар 
орналасса, өндiрiсте жоғары нәтижелiлiк қамтамасыз етіледі. Бiрақ, мұндай 
қолайлы орналасу сирек кездеседi. Кейбiр жерлерде шикiзат жеткiлiксiз болса, 
басқа жерде жанармай, энергияның жетiспеушiлiгi байқалады. Соның үшін 
де мемлекеттi өркендетудiң ұлттық бағдарламаларында халықты, өндiрiстi 
орналастыру және табиғат байлықтарынан пайдалану мәселелерiн аумақтық 
бiртұтастық негiзiнде ұйымдастыруға жеке мән берiледi.