Гeoгрaфия

KІРІСПЕ
1-сабақ
1-сабақ
I БӨЛІМ. ӨЗБЕКСТАННЫҢ ГЕОГРАФИЯЛЫҚ
 ОРНЫ ЖӘНЕ ӘКІМШІЛІК-АУМАҚТЫҚ ҚҰРЫЛЫМЫ 
http://eduportal.uz

---

4
Өзбекстанның экономикалық және әлеуметтiк географиясы 
мемлекетiмiздiң ұлттық экономикасын халық және табиғи жағдаймен 
өзара байланысты түрде үйреніп, оны аумақтық ұйымдастырудың 
жалпы қағидаттарын ғылыми тұрғыдан негiздеп береді.
8-сынып географиясы сені мемлекетімізде әлеуметтік еңбек өнімділігін 
арттыруға, табиғи ресурстарды қорғауға және жалпы халық тұрмысының 
жасампаздығына көмек беретін географиялық білімдермен қаруландырады. 
Сондай-ақ географиялық біліміңді арттыруда түрлі деректерден еркін пайда-
лану әдістерін қалыптастырады. 
Бұл ғылымның қорытындылары үшін негiз болған мәлiметтер – айғақты 
дәлелдер заманға сай өзгерiп отырады. Оқулықта берілген цифрлы 
мәлiметтер, сурет, карта-сызбалардағы мәлiметтер және тіпті, жер аттары да 
ертең бүгiнгiден де өзгеше болуы мүмкiн. Экономикалық және әлеуметтiк 
географияға тән бұл жағдай күнделiктi оқиға мен құбылыстардан үнемi ха-
бардар болып тұруды қажет етедi. 
Елiмiзде нарықтық экономикасына өту сияқты күрделi және кең қамтылған 
үдеріс болып жатыр. Мұндай кезде мемлекетте, әрбiр қала немесе ауылда анық 
бір дiлгiрлiктердің пайда болуы табиғи. Оқулық сенi осындай дiлгiрлiктермен 
таныстырады, әрі олардың шешiмiн табуға үйретедi. 
Халқымыз өркениет жолында табандылықпен еңбек етуде. Мемлекетiмiздiң 
тәуелсiздiгiн нығайтуда, әсіресе, сен, жастар белсендiлiк көрсетулерiң және 
болашақтағы қызметтерiң өнімді болуы керек. 
Өйткенi, еңбек өнiмдiлiгi базар 
қатынастарына өтуде ең маңызды және ең негiзгi алғышарт болып табы
-
лады. 
Өзбекстанның экономикалық және әлеуметтiк географиясын үйрену бұл 
мiндеттiң қажеттілігін түсiнуге, демек, өз азаматтық борышыңды орындауға, 
мемлекеттiң әлеуметтiк-экономикалық өмiрiнде белсендi қатысуыңа көмек 
бередi. 
Қолыңдағы оқулық мемлекетiмiздiң ұлттық экономикасымен таныс-
тырумен қатар географиялық мазмұндағы түрлi әдебиеттерден, алғашқы 
деректерден пайдалануға мүмкіндік беретін дағды және бiлiктiлiктермен 
қаруландырады. Сен бұл оқулықтан экономикалық географиялық нысан, 
құбылыс пен үдерістердi суреттеу, баяндау әдiстерiн де үйреніп аласың.