Геоахборот тизими технологиялари

Автомобиль йўлининг ишчи лойиҳа ҳужжатларини тайёрлашдаги
геодезик қидирув материаллари ва қидирув ишларининг асосий мақсади:
-трассанинг оптимал вариантини аниқлаш ва техник−иқтисодий асослаш (кейинги ўринларда−ТИА) ва қабул қилиш учун зарур топогафо−геодезик материаллари билан таъминлашдан иборат бўлади. Ушбу босқичда муҳандислик–геодезик қидирув ишларининг таркибига:
−автомобиль йўли йўналиши бўйича мавжуд топографо−геодезик материалларини, аэротасвир ва космик тасвир материалларини тўплаш, тартибга келтириш ва таҳлил қилиш;
−трасса вариантларини камераль трассалаш ва танланган трасса вариантини дала шароитида (рекогносцировка) ўрганиб чиқиш; −автомобиль йўли трассасининг танланган (белгиланган вариантлари бўйлаб), шунингдек алоҳида лойиҳаланадиган жойларни (табиий ва сунъий тўсиқлар, муҳандислик коммуникациялари билан кесишган жойлари, йўл ҳўжалиги объектлари ва ҳ.о.) топографик тасвир қилиш;
− жойнинг йирик масштабли тасвири мавжуд бўлмаган ҳолларда теодолит ва тахеометрик йўлларини барпо этиш ва далада трассалаш;
−бошқа турдаги қидирув−геодезик ишлари билан таъминлаш ишлари киради.
Белгиланган (танланган) трасса варианти бўйлаб бажариладиган топографик ишлар трасса вариантларини лойиҳалаш имкониятини таьминлаш керак. Трасса бўйлаб топографик тасвир олишда трассанинг ўнг ва чап тасмаси бўйича жами кенглик 100 м қамраган бўлиши талаб этилади.
Ишчи ҳужжатлар тайёрлашда автомобиль йўлларини муҳандислик қидирув ишларининг мақсади, лойиҳаланаётган автомобиль йўллари участкаларини, шунингдек лойиҳаланаётган йўл ҳўжалиги обьектлари майдонларини топографо−геодезик материаллари ва маьлумотлари билан таъминлашдан иборат бўлади.Лойиҳаланаётган автомобиль йўллари трассалари бўйлаб ва лойиҳаланаётган йўл хўжалиги обьектлари майдонларида таянч ва тасвир олиш тармоқларини ривожлантириш, топографик тасвирлар (топографик хариталар ва планларни қайтадан тузиш), бошқа турдаги қидирув ишларини геодезик талаблар бўйича таьминлаш, топографик планлар тузиш, кўпайтириш ишлари амалга оширилади.