Geo iqtisod 9-uzb-5-2013. indd

Kyusyuning janubiy qismi va butun sikoku 
hamda Xokkaydo orollaridir.
Rayonda sanoat rivojlanish darajasiga ko‘ra 
Sapporo sanoat aglomeratsiyasi ajralib turadi. 
Amaliy ish
1. Yozuvsiz xaritaga Yaponiya iqtisodiy xaritasini tushiring va uni tahlil qilib bering.
2. Tashqi iqtisodiy aloqalariga xos xususiyatlar nimalardan iborat ekanligini aniqlab, 
so‘zlab bering.
Savol va topshiriqlar
1. Yoqilg‘i-energetika sanoati qanday rivojlangan? 
2. Avtomobilsozlik va qishloq xo‘jaligiga ta’rif bering.
3. Transporti va ichki hududiy tafovutlari haqida gapirib bering.
49-§. Hindiston: iqtisodiy-geografik tavsifi. 
Hududi, geografik o‘rni, resurslari 
Tayanch iboralar
hindiston yarimoroli, federativ respublika, shtatlar, ittifoqdosh hududlar, din, 
millat, xalq.
Hindiston Respublikasining umumiy maydoni 3287 mln. km
2
. Hududi, aso-
san, ulkan uchburchak shaklida bo‘lgan Hindiston yarimorolida joylashgan, 
u shimoldan janubga 3,2 ming km, g‘arbdan sharqqa 2,9 ming km masofaga 
cho‘zilgan. Hindistonga Lakkadiv, Amindiv, Andaman va Nikobar orollari 
guruhlari ham qarashlidir. 
Siyosiy-hududiy tuzilishiga ko‘ra Hindiston Federativ Respublikadir. Uning 
tarkibida 28 ta shtat va markazga bo‘ysunadigan oltita ittifoqdosh hamda poytaxt 
hududlari mavjud. Davlatning poytaxti Dehli shahridir. 
Hindiston Respublikasi Janubiy Osiyo subregionidagi eng yirik davlat, 
u katta masofada dengizlar bilan tutashgan. Unda g‘arb va sharq mamlakatlari 
o‘rtasida dengiz orqali olib boriladigan serqatnov savdo yo‘llari joylashgan.
Hindistonning tabiiy sharoiti xilma-xil va ancha boy. Mamlakatning shi mol 
tomondan baland Himolay tog‘lari bilan o‘rab turilishi iqlimiy sharoitlarining 
juda qulay bo‘lishida, nihoyatda boy agroiqlim resurslari bilan ta’minlanishida 

---

155
muhim rol o‘ynaydi. Uning yer osti qazilma boyliklari ham xilma-xil. Temir va 
marganes rudalari, xrom, titan zaxiralari dunyo ahamiyatiga ega. Shuningdek, 
ko‘mir, oltin va boshqa bir qator rangli metall zaxiralariga boy. Hududi va dengiz 
sayozliklaridan neft ham topilgan.
hindiston