Gapning uyushiq bo‘laklari haqida ma’lumot Bir umumiy bo‘lakka tobe bog‘lanuvchi, bir XIL sintaktik vazifa bajaradigan, o‘zaro teng bog‘lovchilar va sanash ohangi yordamida bog‘langan

Uyushiq bo‘lak ohang yordamida bog‘lansa, ular vergul bilan ajratiladi.

Agar uyushgan bo‘laklar guruh-guruh bo‘lib kelsa, guruhlar bir-biridan nuqtali vergul bilan ajratiladi. Masalan, Bog‘imizdagi mevalar: olma, o‘rik, behi; polizdagi sabzavotlar: tarvuz, qovun, handalaklar ko‘zni quvontiradi.

Uyushiq bo‘laklarda umumlashtiruvchi so‘zning qo‘llanilishi

Uyushgan bo‘lakli gaplarda uyushiq bo‘laklarning ma’nosini jamlovchi bo‘laklar umumlashtiruvchi so‘z (bo‘lak) sanaladi. Umumlashtiruvchi so‘z uyushiq bo‘laklarning ma’nosini umumlashtirgani bois bu qism umumlashti­ruvchi ma’noli so‘zlar (olmoshlar, otlar, fe’llar (otlashgan sifatdosh) va hokazo), so‘z birikmasi, kengaygan birikmalar bilan ifodalanishi mumkin. Uyushiq bo‘laklar umumlashtiruvchi so‘zning ma’nosini izohlab, aniqlab keladi.

Uyushgan bo‘laklar narsa va hodisalarni, belgi-xususiyatlarni alohida-alohida ifodalasa, umumlashtiruvchi so‘z ularning hammasini jamlagan holda ifodalaydi. Shunga ko‘ra uyushgan bo‘laklar bilan umumlashtiruvchi so‘z o‘rtasida xususiylik-umumiylik, jins-tur munosabati mavjud bo‘ladi. Uyush­gan bo‘laklar xususiylikni, jinsni; umumlashtiruvchi so‘z esa umumiylikni, turni bildiradi.
!!! Uyushgan bo‘laklar qaysi grammatik shaklda bo‘lsa va qanday so‘roqqa javob bo‘lsa, umumlashtiruvchi so‘z ham ana shunday shaklda bo‘ladi va shunday so‘roqqa javob beradi. Grammatik shakllar ba’zan uyushiq bo‘lakka emas, umumlashtiruvchi so‘zga qo‘shiladi. Shunday holatda gram­matik shakl barcha uyushiq bo‘laklarga tegishli bo‘ladi. Masalan, Bog‘dagi olma, o‘rik, shaftoli – barcha mevalardan terdik. Ushbu gapda to‘ldiruvchi uyushgan.