Фуқароларнинг ўзини ўзи бошқариш органларида иш юритишни ташкил этиш”

Маъмурий - буйруқбозлик ва марказлашган бюрократик тизим Советлар назоратидан чиққан ижроия хокимияти деб аталади.
Демократия ривожланган фуқаролик жамиятларида хокимиятнинг бўлиниш тамойилига асосланган хуқукий давлат қуришга ўтилган. Хокимият нисбатан мустакиллик асосида қонун чикарувчи, ижро этувчи ва суд хокимиятига бўлинади.
Ўзбекистон Республикасининг пировард мақсади бозор иқтисодиётига асосланган, очиқ ташқи сиёсатга эга ҳуқуқий, демократик давлатни ва фуқаролик жамиятни барпо этишдир.
Фуқароларнинг ўзини ўзи бошқариши — фуқароларнинг Ўзбекистон Республикаси Конституцияси ва қонунлари билан кафолатланадиган, уларнинг ўз манфаатларидан, ривожланишнинг тарихий хусусиятларидан, шунингдек миллий ва маънавий қадриятлардан, маҳаллий урф-одат лар ва анъаналардан келиб чиққан ҳолда маҳаллий, аҳамиятга молик масалаларни ҳал қилиш борасидаги мустақил фаолиятидир.
Назорат қилувчи органларнинг асосий вазифаси - давлат аппарати барча бўғинлари фаолиятидаги камчиликларни, улар пайдо бўлиши сабабларини аниқлаш ва бу сабабларни бартараф этишдир.
Назоратнинг энг муҳим тамойиллари - унинг доимийлиги, тизимлиги, оммавийлиги, универсаллиги, аниқлиги, ҳолислиги, самарадорлиги, тезкорлиги, ошкоралигидир. Ана шу принциплар асосида бошқарув аппаратининг барча бўғинлари устидан назорат амалга оширилади.
Жамоатчилик назорати фуқароларнинг ҳуқуқлари, эркинликлари ва қонуний манфаатларини, давлат органлари ва уларнинг мансабдор шахслари томонидан қонунчилик талабларига сўзсиз амал этилишини таъминлаш, улар олдида турган ижтимоий сиёсий, ижтимоий-иқтисодий, гуманитар ва бошқа соҳалардаги вазифа ва ваколатларни самарали амалга оширишнинг энг муҳим омили бўлишга даъват этилган.
Давлат бошқаруви органлари таркибига вазирликлар, давлат қўмиталари, қўмиталар, агентликлар, шунингдек, улар ва Ўзбекистон Республикаси Вазирлар Маҳкамаси ташкил этиладиган давлат бошқарувининг тузилмалари киради
Ўзини ўзи бошқариш тизимини ривожлантириш фуқаролик жамиятини барпо этишнинг нафақат шарти, балки муҳим воситасидир.