Фуқароларнинг ўзини ўзи бошқариш органларида иш юритишни ташкил этиш”

Мустақил иши мавзусини танлаш

«Фуқароларнинг ўзини ўзи бошқариш органларида иш юритишни ташкил этиш» фанидан мустақил ишини муваффаққиятли бажарилишининг муҳим омили – бу талабанинг ўз қизиқиши ва қобилиятига қараб мос мавзуни танлаши ҳисобланади.
Шунинг учун ушбу босқичда талаба мавзу танлашда синчков ва
маъсулиятли бўлиши лозим. Мустақил иш мавзулари кафедра томонидан ишлаб чиқилади ва фаннинг ишчи дастури таркибида тасдиқланади. Мавзулар сони талабалар сонидан кўп бўлиши керак, уларнинг йўналиши ўқув дастури доирасида ва талабанинг қобилияти ҳамда имкониятлари даражасида бўлиши керак. Мустақил иш мавзуси талабаларни назарий билимларини мустаҳкамлашга ва ижодий фикрлашга қаратилган бўлиши билан бир қаторда, бозор иқтисодиёти шароитидан келиб чиқиб белгиланиши керак.
Мустақил иш раҳбари талабага танланган мавзу бўйича мустақил иш топшириғини расмийлаштиради ва кафедра мудири тасдиқлагандан сўнг топшириқни талабага беради.
Мустақил иш топшириғида талабанинг исми шарифи, мутахассис лиги, босқич, гурухи, фан номи, мустақил иш мавзуси, топшириш муддати билан бир қаторда адабиётлар рўйхати, меъёрий ҳужжатлар ва шу кабилар акс этиши лозим.
Мустақил ишни бажариш жараёнида мустақил иш мавзусини
ўзгартириш ёки бошқа мавзу танланишига рухсат етилмайди.
Мустақил иш мавзусини танлаш тартиби талабалар учун ихтиёрий, лекин
гуруҳда бир мавзуни иккита талаба ёзиши мумкин эмас.

• 
  Талабалар мустақил таълимининг мазмуни ва ҳажми
  

«Фуқароларнинг ўзини ўзи бошқариш органларида иш юритишни ташкил этиш» фанидан талаба мустақил ишининг мақсади – ўқитувчининг раҳбарлиги ва назорати остида талабада муайян ўқув ишларини мустақил равишда бажариш учун зарур бўлган билим ва кўникмаларни шакллантириш ва ривожлантиришдир.
Мустақил иш айрим назарий модулларни ўқув адабиётлари ёрдамида
мустақил ўзлаштириш, берилган модул бўйича реферат тайёрлаш, кейсстадилар тайёрлашда иштирок етиш, илмий мақолалар ёзиш, анжуманларда тезислар тайёрлаш, берилган модуллар бўйича компютер дастурларида тақдимотлар тайёрлаш шаклида ташкил етилади.

•