Фуқароларнинг ўзини ўзи бошқариш органларида иш юритишни ташкил этиш”

«ФУҚАРОЛАРНИНГ ЎЗИНИ ЎЗИ БОШҚАРИШ ОРГАНЛАРИДА ИШ ЮРИТИШНИ ТАШКИЛ ЭТИШ» ФАНИДАН
ГЛОССАРИЙ
Фуқароларни ўзини ўзи бошқариши – фуқароларнинг Ўзбекистон Республикаси Конституцияси ва қонунлари билан кафолатланадиган, уларнинг ўз манфаатлардан, ривожланишининг тарихий хусусиятлари- дан, шунингдек маҳаллий урф-одатлар ва анъаналардан келиб чиққан ҳолда маҳаллий аҳамиятга молик масалаларни ҳал қилиш борасидаги мустақил фаолиятидир.
“Маҳаллий ўзини ўзи бошқариш бўйича Европа хартияси”- маҳаллий ўзини ўзи бошқариш - жамоат ишларидан муайян қисмини қонун доирасида ва ўз масъулияти остида ҳамда аҳоли манфаатлари йўлида бошқариш, назорат қилиш борасида маҳаллий ҳамжамиятлар нинг ҳуқуқ ва лаёқати демакдир.
Маҳалла (арабча “маҳалла” – ўрин, жой, макон) – Ўзбекистоннинг муайян тарихий шароитида, асрлар давомида шаклланиб фаолият кўрсатаётган аҳоли яшаётган маъмурий-ҳудудий бирлик, уюшма.
Фуқароларнинг йиғинлари – “шаҳарча, қишлоқ ва овулларда, шунингдек улар таркибидаги маҳаллаларда ҳамда шаҳарлардаги маҳаллаларда ўзини ўзи бошқариш органлари бўлиб, улар икки ярим йил муддатга раисни (оқсоқолни) ва унинг маслаҳатчиларини сайлайди.
Бошқарув органи – бу бирор бир бошқарув тизими таркибига кирувчи муассаса, ташкилотдир. Бошқарув органлари бошқарув бўғинлари ва бошқарув босқичлари шаклида бўлади.
Бошқариш бўғини – бу бошқаришнинг айрим ёки қатор функциялари ни бажарувчи мустақил структурали бўлимлардир. Бу бўлимлар ўртасидаги боғланиш ва алоқалар горизонтал характерга эга.
Бошқариш босқичи – бу иерархиянинг муайян даражасида амал қиладиган бўғиндир.
Бошқарувнинг умумдавлат органлари Республика миқиёсидаги олий ваколатли органлар бўлиб, таркиби – Қонун чиқарувчи – Олий Мажлис, Ижро этувчи– Вазирлар Маҳкамаси, Суд – Олий, Конститутциявий, Ҳўжалик судларидан иборат.
Вазирлик – бу ўзига тегишли тармоқнинг ҳўжалик тизимида бошқариш-нинг энг олий бўғинидир.
Давлат қўмиталари – бу вазирлик ва идораларнинг фаолиятини тартибга солиш, назорат қилиш ва мувофиқлаштириш йўли билан ижтимоий – иқтисодий ривожланиш фаолиятига раҳбарлик қилишга мўлжалланган марказий тармоқ бошқарув органларидир.
Агентликлар - бу маълум бир муассаса, ташкилот, аҳоли билан давлат, жамоат ёки ижтимоий иш билан шуғулланади ва албатта, кўрсатиладиган хизматлар сонидан фойда олади. Агар бир неча ўн йиллар илгари бизнинг инсониятга бундай ташкилотлар керак бўлмаса, бугунги кунда бу заруратга айланган.
Инспекциялар - бу турли муассасалар, корхоналар, жисмоний шахслар ва бошқаларнинг фаолиятини, шунингдек уларнинг белгиланган қоидаларга мувофиқлигини текширувчи ташкилотлар номининг бир қисми.