Фуқаролар учун бюджетни

3.1.Тайёрлашнинг долзарблиги ва талаб этилиши учун шарт-шароитлар 
Фуқаролар учун бюджетни эълон қилишнинг долзарблиги ва унга Ўзбекистондаги кенг 
жамоатчилик томонидан бўлган талаб қуйидаги шарт-шароитлар билан аниқланади: 

---

16 
1. Халқ билан мулоқот қилишга қаратилган янги ташаббуслар (ислоҳотлар) ҳамда 
фуқароларни давлат сиёсатини муҳокама қилиш ва амалга оширишга жалб қилиш (2017-
2021 йилларда Ўзбекистон Республикасини ривожлантириш бўйича Ҳаракатлар 
стратегияси, Маъмурий ислоҳотлар концепциясининг қабул қилиниши ва ҳоказолар). 
Жумладан, Стратегияда давлат ҳокимияти тизимида Олий Мажлиснинг ролини 
кучайтириш, мамлакат ички ва ташқи сиёсатининг энг муҳим вазифаларини ҳал қилишда, 
шунингдек, ижро этувчи ҳокимият фаолияти устидан парламент назоратини амалга 
оширишда унинг ваколатларини янада кенгайтириш, мамлакатни ижтимоий-сиёсий ва 
ижтимоий-иқтисодий ривожлантиришга доир вазифаларни бажаришда ўзаро фойдали 
ҳамкорлик самарадорлигини оширишга қаратилган давлат-хусусий шерикчилигининг 
замонавий механизмларини жорий этиш назарда тутилмоқда.
11
Бошланган ислоҳотлар 
жаҳон амалиётида кенг тарқалган “Фуқароларга йўналтирилган давлат хизмати” 
концепциясига асосланган. Бу давлат ҳокимияти органлари жамият ва мамлакат 
фуқароларига муайян талаблар қўйиб, уларни бошқармаслигини, балки жамият ва ҳар бир 
алоҳида инсон манфаатлари йўлида фаолият олиб боришини англатади. Бу ёндашувдан 
Ўзбекистон Республикасини ривожлантириш бўйича Ҳаракатлар стратегиясида 
фойдаланилган. Унга кўра 2017 йил “Халқ билан мулоқот ва инсон манфаатлари йили” 
деб эълон қилинди. 
Ушбу ёндашувни амалга оширишда 
давлат бошқаруви органлари ва фуқаролар 
ўртасидаги мулоқот фуқароларнинг ҳукуматга бўлган ишончини оширишнинг муҳим 
воситаси эканлигини 
тушуниш муҳим шарт-шароит ҳисобланади. Кўпчилик 
мамлакатлар тажрибасининг кўрсатишича, бундай мулоқотни ривожлантиришда 
фуқаролар ҳокимият органларининг мамлакатни ривожлантириш бўйича саъй-
ҳаракатларини ва чора-тадбирларини қўллаб-қувватлашга мойилроқ бўладилар, чунки 
чора-тадбирлар уларнинг манфаатларини кўзлаб кўрилаётганлигини тушунадилар. Бу 
давлат молияси соҳасига ҳам тааллуқлидир.