Fiziologiya odam anatomiyasi asoslari bilan

Dinamik stereotip.
Miya po‘stlog‘ining sintetik faoliyatini stereotip 
shaklida hosil qilingan shartli reaksiyalar misolida ham ko‘rish mumkin. Stereotip 
shartli refleks hosil qilish uchun bir nechta tarkibiy qismdan iborat bo‘lgan hamda 
shartli o‘zgarmagan holatda, ya’ni ularning kuchi bir xil bo‘lgan sharoitda 
qo‘llaniladi. Bir nechta Shartli signallar birlaShtirilib stereotip signal paydo 
qilishdan avval, ularning har biriga, masalan: yorug‘lik – metronom-120 (tebranish 
chastotasi 1 daqiqada 120 marta); qo‘ng‘iroq - metronom –60 hamda xushtakka 
so‘lak ajralishi shartli reflekslarni hosil qilinadi. Bunda, differensirovka uchun 
qo‘llanilgan metronom-60 signalidan tashqari barcha sinallar ijobiy ta’sir ko‘rsatib, 
so‘lak ajralishiga olib keladi. Lekin, har bir shartli signal o‘ziga xos miqdorda 
so‘lak ajralishiga olib keladi. Keyinchalik, ma’lum tartibda bu signallar biri 
ikkinchisidan 5 daqiqa kechiktirilib qo‘llanilsa, ijobiy natija beradigan signallar 
o‘ziga xos miqdorda so‘lak ajralishini chaqiradi, metronom-60 signali esa so‘lak 
ajralishiga olib kelmaydi. Ushbu tajriba bir necha kun davom ettirilib turilsa, miya 
po‘stlog‘i faoliyatida stereotiplik vujudga keladi, ya’ni signallarning faqat 
bittasigina har 5 daqiqada qo‘llanilib turilsa kifoya, u. qolgan signallarning o‘rnini 
bosadi. Eng ko‘p so‘lak ajralishiga olib kelgan metronom-120 qo‘llanganda, so‘lak 
ko‘p miqdorda, metronom-60 qo‘llanilganda esa arzimas natijaga erishiladi. 
Shunday qilib, miya po‘stlog‘i signalga nisbatan vujudga kelgan dinamik stereotip 
asosida javob reaksiyasini beradi, oqibat natijada, qo‘ng‘iroq yakka signal 
tariqasida emas, balki signallar tizimining elementi sifatida qabul qilinadi. Tabiiy 
Sharoitdagi hayot kechirish davomida odatlanishlar o‘z-o‘zidan bajariladigan xatti-
harakatlarning shakllanishi dinamik stereotipga bog‘liq bo‘ladi. 
Asab jarayonlarining irradiatsiyasi, konsentratsiyasi va o‘zaro