Физика ўҚитиш методикаси ташкент 2019 Ўзбекистон республикаси олий ва ўрта

§-4. Оғзаки жавобларга баҳо қўйиш

Агар ўқувчи: а) берилган саволларга тўла жавоб берса, асосий материални ҳам, қўшимча материални ҳам билса; б) кимёвий тушунчаларнинг таърифини, кимёвий қонунларнинг ифодаларини аниқ билса; в) моддалар ва ҳодисалар тўғрисида конкрет, онгли ва системали билимларга эга бўлса; г) ўз билимларини амалий масалаларни ҳал қилишда тадбиқ эта олса; д) керак ҳолларда, моддаларни ўзидан, асбоблардан, расмлардан, тенгламаларнинг ёзувларидан фойдаланса ва буни етарли даражада тўғри қилса; е) материални изчиллик билан баён этса; ё) асосий саволларга ҳам, қўшимча саволларга ҳам мутлақо мустақил суратда жавоб берса, б у н д а й ў қ у в ч и л а р г а “ 5 ” б а ҳ о қ ў й и л а д и .

Агар ўқувчи худди “5” баҳога жавоб бергудек жавоб берса-ю, аммо: а) унча аҳамиятли бўлмаган тафсилотларни билмаса; б) хатолар қилиб, бу хатоларни ўқувчиларнинг биринчи ишорасидаёқ тузата олса; в) ўқитувчининг бир қадар ёрдами билан жавоб берса, б у н д а й ў қ у в ч и л а р г а “ 4 ” б а ҳ о қ ў й и л а д и .
Агар ўқувчи: а) асосий материални билса ва тушунса-ю, аммо кимёвий тушунчаларнинг таърифини ва кимёвий қонуниятларнинг ифодаларини аниқ айта олмаса; б) асосан материални баён этишда камчиликларга йўл қўйилса-ю, аммо ўқитувчи ёрдамчи саволлар бергандан кейин, бу камчиликларни тўлдириб, хатоларини тузатса; в) зарур ҳолларда моддаларнинг ўзидан, асбоблардан, расмлардан, тенгламалар ёзувларидан фойдаланса, аммо булардан ҳамма вақт ҳам тўғри фойдаланавермаса; г) билимларини конкрет масалани ҳал қилишга ўқитувчи ёрдами билангина татбиқ эта олса; д) ўқув материалини унча системали ва конкрет баён эта олмаса; е) мустақил суратда жавоб бера олмай, асосан, ўқитувчи саволларигагина жавоб берса, б у н д а й ў қ у в ч и г а “ 3 ” б а ҳ о қ ў й и л а д и .
Агар ўқувчи: а) асосий материалнинг анча қисмини билмаса ва тушунмаса; б) xатто ўқитувчи ёрдам берганда ҳам, муҳим камчиликларни тўлдира олмаса ва муҳим хатоларини тузата олмаса бу ўқувчига “ 2 ” баҳо қўйилади .
Агар ўқувчи асосий материалнинг кўп қисмини мутлоқа билмаса, б у ў қ у в ч и г а “ 1 ” б а ҳ о қ ў й и л а д и .