Физика ўҚитиш методикаси ташкент 2019 Ўзбекистон республикаси олий ва ўрта

§-3. Ўқувчиларнинг ўқув ва малакаларини текшириб кўриш

Ўқувчиларнинг ўқув ва малакалари назарий билимлари билан чамбарчас боғлиқдир. Ўқитувчи ўқувчиларнинг назарий билимларини текшириб кўрар экан, уларнинг бир қатор ўқув ва малакаларини: Кимёвий тилдан фойдалана билишини, миқдорий ҳисоблар қила олишини, ўқув материалини ёзиб бора билишини ва бошқа ўқув ҳамда малакаларини ҳам текшириб кўради. Аммо кимё ўқитувчиси олдида яна бир вазифа: кимё ўқитиш жараёнида ўқувчиларда тажриба ўтказа билиш малакаларини – энг кўп ишлатиладиган асбоб ускуналардан фойдалана олиш, энг муҳим кимёвий операцияларни бажара билиш, осонроқ амалий масалаларни ҳал қилишда кимёвий экспериментдан фойдалана билиш малакаларини ҳосил қилиш вазифалари ҳам туради. Ўқувчиларнинг ана шу экспериментал малакалари ҳам системали суратда ҳисобга олиниши ва уларга баҳо қўйилиб борилиши керак. Шуни қаттиқ эсда тутиш керакки, экспериментал ўқув ва малакалар кимё ўқув курсининг ажралмас таркибий қисми бўлиб, ўрта мактабни тамомловчи ўқувчилар етуклик аттестати олишга имтиҳон топшираётганларида бу ўқув ва малакалар махсус тарзда текшириб кўрилади.

Ўқувчиларнинг чорак давомида ва ўқув йили давомида олган энг муҳим экспериментал малакаларининг ҳар қайси чорак охирида ва ўқув йили охирида махсус текширилиб кўрилиши ва малакаларини текшириб кўриш мақсадида ўтказиладиган назорат ишга мисоллар келтирамиз.
I вариант.
1. Стол устидаги реактивлардан фойдаланиб, мис (II)-сулфат эритмасидан мис (II)-оксид ҳосил қилинг. Ишнинг боришини ёзма баён этинг.
2. Натрий бикарбонатга хос реакцияларни бажариб кўринг. Ишнинг боришини ёзма баён этинг.
3. Хлорид кислотанинг сифат таркибини тасдиқловчи реакцияларни бажариб кўринг. Ишнинг боришини ёзма баён қилинг.
4. Учта пробиркадан бирида СаСО₃, бирида СаСl₂, бирида Са(ОН)₂ бор. +айси пробиркада қандай модда борлигини шу моддага хос реакция ёрдами билан аниқланг. Масалани ечиш режасини тузинг, масалани ечинг ва жавобини тегишли изоҳлар келтириб ёзма баён этинг.
II вариант.
1. Стол устидаги реактивлардан фойдаланиб, мис (II)- оксиддан мис (II)- гидроксид ҳосил қилинг. Ишнинг боришини ёзма баён этинг.
2. Сульфат кислота учун хос реакция бажариб кўринг. Ишнинг боришини ёзма баён этинг.
3. Мис (II)-хлориднинг сифат таркибини тадиқлайдиган реакцияларни бажариб кўринг. Ишнинг боришини ёзма баён этинг.
4. Учта пробиркадан бирида Al₂(SO₄)₃, бирида MgSO₄, бирида Na₂SO₄ эритмалари бор. Ҳар қайси пробиркада қандай модда борлигини шу моддага хос реакция ёрдами билан аниқланг. Масалани ечишнинг режасини тузинг; масалани ечинг ва жавобини тегишли изоҳлар келтириб ёзма баён этинг.
III вариант.
1. Мис (II)-сулфатдан мис (II)- нитрат ҳосил қилинг. Ишнинг боришини ёзма баён этинг.
2. Аммоний хлорид учун хос реакция бажариб кўринг. Ишнинг боришини ёзма баён этинг.
3. Барий хлориднинг сифат таркибини тасдиқлайдиган реакция бажариб кўринг. Ишнинг боришини ёзма баён этинг.
4. Уч пробирканинг бирида NH₄Cl, бирида CaCl₂, бирида ВaCl₂ бор. Ҳар қайси пробиркада қандай модда борлигини шу моддага хос реакция билан аниқланг. Масалани ечинг ва жавобини тегишли изоҳлар келтириб ёзма баён этинг.