Farmasevtikada boshqaruv fanidan o‘quv-uslubiy majmua

Dori vositalari reklamasining texnologiyasi

Farmasevtik preparatlarning zamonaviy reklamasi – chuqur o‘ylanib, ilmiy va uslubiy asoslangan jarayon bo‘lishi kerak. Buning uchun unda reklamaxodimlari, marketolog, psixolog va sotsiologlar ishtirok etishi maqsaddga muvofiqdir.
Yangi preparatni joriy qilish jarayonida analog preparatlar, raqobatchi va iste’molchilar haqida ma’lumotlar to‘planadi, taklif etilayotgan yangi preparatning afzallik tomonlari ko‘rsatilib, asoslanadi.
Dori vositalari reklamasining ilmiy asoslangan uslubiy yondashuvi reklama kampaniyasini quyidagi bosqichlarida tashkil etish zarurligini ko‘zda tutadi:

1. 
   Reklama ob’ekti, sub’ekti va mazmunini belgilash;
   
2. 
   Reklama turi va vositalarini tanlash;
   
3. 
   Reklama e’lonining matnini tuzish,
   
4. 
   Uni chiqarish grafigini tuzish;
   
5. 
   Sarf-xarajatlar smetasini tuzish;
   
6. 
   Reklamani samaradorligini belgilash.
   

Reklama ob’ektini belgilash.Mahsulot yoki uni ishlab chiqaruvchi firma reklama ob’ekti bo‘lib xizmat qilishi mumkin.
Reklama sub’ektini belgilash.Reklama kampaniyasini tashkil qilishning bu bosqichida iste’molchilar guruhi aniqlab, belgilanadi.
Reklama mazmunini belgilash.Ushbu bosqichda reklama axborotida iste’molchilarning e’tiborini mahsulotga qaratishda aynan nimaga urg‘u berish masalasi hal etiladi. Masalan, salomatlikni asrash, tumov, yo‘tal, og‘riqdan xalos bo‘lish va h.k.
Reklama vositalari turini aniqlash.Bu bosqichda reklama ma’lumotini tarqatish kanallari va yo‘llari belgilanadi.
Reklama e’lonini chiqarish jadvalini tuzish.Reklama kampaniyasini rejalashtirishning bu bosqichda reklama e’lonlarining muddatlari, vaqti bo‘yicha taqsimlash amalga oshiriladi. (oylar, haftalar, kunlar, soatlar, daqiqalar bo‘yicha).
Sarf-xarajatlar smetasini tuzish- reklamaning mazmuni, xajmi va boshqa omillarga bog‘liq.
Reklamaning samaradorligini belgilash. Farmasevtik tashkilotlar-ning reklama kompaniyasini rejalashtirishning iqtisodiy tomondan eng muhim bosqichlaridan biri hisoblanadi.