Farmasevtikada boshqaruv fanidan o‘quv-uslubiy majmua

Dori vositalari reklamasining zamonaviy vositalari
Hozirgi vaqtda dori vositalari reklamasida Internetdan tobora jadal foydalanilmoqda. Farmasevtik kompaniyalar o‘zlari yaratgan saytlarda ishlab chiqarilayotgan mahsulotlar haqida axborot beradilar, iste’molchilarning turli savollariga javob beradilar. Shuningdek, o‘z reklamalarini ma’lum auditoriya uchun mo‘ljallangan boshqa saytlarda ham joylashtiriladilar. Masalan, bolalar uchun ishlab chiqarilgan dorilar reklamasi yosh onalarga mo‘ljallangan saytlarda beriladi.
Dori vositalarining media reklamasi. Media reklama-Internet saytlarida beriladigan grafik (animatsion) bannerlardir. Bunda tibbiyot mavzusiga oid portallar va salomatlik haqidagi saytlardan foydalaniladi.
Farmasevtik maxsulotning kontekstli reklamasi – bu internet foydalanuvchisining talabiga muvofiq izlash tizimida beriladigan kichik matnli e’lonlarni namoyish etishdir. Ya’nireklama dori vositasiga qiziqish bildirgan insonlargagina taqdim qilinadi. Reklamaning bu turini retseptsiz sotiladigan dori vositalariga oid berish maqsadga muvofiq, chunki bu holda dori vositasini harid qilish to‘g‘risidagi qarorni bemor o‘zi qabul qiladi.
Sotuv joylaridagi reklama
Dori vositalari reklamasida peshtaxta muhim reklama vositalaridan biri hisoblanadi. Peshtaxtada mahsulotni namoyish eta olish san’ti eng mushkul, shu bilan birga reklama beruvchidan katta mahorat talab qiladigan ishlardan biridir. Peshtaxtadagi eng asosiy element bu tovardir. Peshtaxta qanchalik did bilan bezatilmasin, dekoratsiya tovarni to‘laqonli ko‘rsatishga to‘sqinlik qilsa, ta’sir ko‘rsatish samarasiz bo‘ladi.
Peshtaxtalarini bezatishda axborotni vizual qabul qilish qonuniyatlariga rioya qilish yaxshi foyda beradi. Masalan,

1. 
   Peshtaxtaga tovarlar ma’lum bir tartibda, ya’ni oldinda kichik upakovkalar, orqada yirikroqlari terib qo‘yiladi.
   
2. 
   Peshtaxta bu iste’molchi qabul qiladigan vizual ma’lumotlar dengizidan bir tomchigina ekanini yodda saqlash zarur, shuning uchun uni tovarlar bilanhaddan ziyod to‘ldirish yaramaydi.
   
3. 
   Toq sonli ob’ektlar juft sonli ob’ektlarga nisbatan yaxshiroq ilg‘ab olinishini hisobga olish kerak.
   

Peshtaxta dorixonaga kirib kelgan haridorning diqqatini jalb qilishi kerak. Pixologik ta’sir etish samarasi ko‘pincha mohirlik bilan tanlangan ramzlarga ham bog‘liqdir. Buning uchun turli predmetlardan va to‘g‘ri tanlangan ranglardan foydalanish muhimdir. Dorixona peshtaxtalarilda dorilarni farmakologik guruhlariga va tibbiy buyumlarni qo‘llanishiga muvofiq joylashtirish lozim.
Masalan, oshqozon-ichak kasalliklarini davolovchi dori vositalari, analgetiklar, isitma tushiradigan vositalar, dorivor giyohlar, bemorlarni parvarish qilishda ishlatiladigan buyumlar alohida joylashtiriladi. Lekin peshtaxtada faqat retseptsiz beriladigan dori vositalari reklama qilinishini esdan chiqarmaslik zarur.