Farmasevtikada boshqaruv fanidan o‘quv-uslubiy majmua

Farmasevtika bozorining infratuzilmasi va uning asosiy elementlari
Farmasevtika bozorining samarador va yetukligi uning infratuzilmasi qay darajada rivojlanganligiga bevosita bog‘liqdir. Farmasevtika bozorida infratuzilma – bu bozordagi yuqorida qayd etilgan asosiy sub’ektlar: ishlab chiqaruvchilar, distrib’yutorlar, chakana savdo tashkilotlari, iste’molchilar va boshqalar o‘rtasidagi o‘zaro hamkorlikdir. Infratuzilmaning rivoji, bir tomondan bozorning o‘sish sur’atlari bilan ta’minlanadi, ikkinchi tomondan rivojlanib borayotgan infratuzilma bozorning o‘sishini rag‘batlantiradi.
Farmasevtika faoliyatining aniq bir turini amalga oshirishda yoki uni tartibga solishda bajarilayotgan funksiyalarining spesifikligi asosida farmasevtika bozori infratuzilmasining quyidagi asosiy elementlari (sub’ektlari)ni toifalash mumkin:

1. 
   Yangi farmasevtik mahsulotni yaratuvchi tashkilotlar;
   
2. 
   Farmasevtik ishlab chiqaruvchi korhonalar;
   
3. 
   Farmasevtik distrib’yutorlar
   
4. 
   Chakana dorixona muassasalari
   
5. 
   Davolash profilaktika muassasasi qoshidagi dorixonalari
   
6. 
   Standartizatsiya, sertifikatsiya va farmasevtik mahsulotlar sifatini nazorat qilish tashkilotlari
   
7. 
   Farmasevtik faoliyatining nazorat-ruxsatnoma tizimi tashkilotlari
   
8. 
   Davolash profilaktika muassasalari
   
9. 
   Axborot – konsalting xizmat tashkilotlari
   
10. 
    Farmasevtik kadrlarni tayyorlash, qayta tayyorlash va malakasini oshiruvchi ta’lim muassasalari
    
11. 
    Dori vositalari va tibbiy buyumlar iste’molchilari
    

Ushbu muassasa, tashkilot va xizmatlarning xamjixatlikda faoliyat yuritishi farmasevtika bozoridagi o‘zaro munosabatlar tizimini shakllantirib, farmasevtik mahsulotlar va xizmatlarning optimal muomalasini ta’minlab, farmasevtika bozori infratuzilmasini tashkil etadi³⁰.
O‘zbekiston Respublikasida farmasevtika bozori infratuzilmasining asosiy elementlarini ko‘rib chiqamiz.