Farmakologiya

17. Ingalyatsion narkoz uchun vositalarning lotincha nomlari,ularning asosiylarining chiqarilish shakli va dozasini yozing.
Javob: Ingalyatsion narkoz uchun qo'llanadigan moddalar fizikaviy hamda kimyoviy xususiyatlariga ko'ra 2 guruhga bo'linadi:
1) uchuvchan suyuqliklar — efir, ftorotan;
2) gazli moddalar — azot(I)-oksid, siklopropan.
Narkoz paydo qiluvchi moddalar alohida narkoz apparadari bilan qo'llanadi, chunki nafas olinayotgan havoda moddalarning kerakli konsentratsiyasini aniqlab turish lozim. Ingalyatsion narkoz paydo
qiluvchi moddalar nafas yo'llari, traxeya orqali yuborilganda ular o'pkaga, o'pkadan diffiiziya yo'li bilan qonga o'tadi. Moddaning qonga o'tishi —adsorbsiyasi uning kiritilayotgan havodagi konsentratsiyasiga, nafas olishning chuqur va tezligiga, alveolalar yuzasi va o'tkazuvchanligiga bog'liq bo'ladi. Narkotik moddalarning ko'p qismi organizmda bir tekistaqsimlanadi, o'zgarishga uchramasdan o'pka orqali chiqib ketadi.
Aethyer pro narcosi(efir) – 100-130 ml li flakonlarda
Phthorothanum(ftorotan) – 50 ml li flakonlarda
Nytrogenium oxydylatum (azot oksidi)– metal balonlar

18. Tetratsiklin guruhli antibiotiklarning lotincha nomlari va ularning asosiylarining chiqarilish shakli va dozasini yozing.
Javob: Tetratsiklinlar- asosiy antibiotiklar turiga kiradi. Grammusbat, grammanfiy, batsillar dezinteriya, qorin tifi paydo qiladigan mikroorganizmlarga, toun, brutsellar, vabo, riklutsion, ba’zi bir soda jonivorlarga, yirik viruslarga ta’sir ko’rsatadi.
Tetratsiklinlar mikroorganizmlarning hujayralarida oqsil hosil bo’lishiga to’sqinlik qilib, magniy va kalsiy ionlari bilan xelat birikmalar hosil qiladi. Bu ta’sir ko’payayotgan mikroorganizmlarga nisbatan sezilarli bo’ladi. Tetratsiklinlarni jigar, buyrak, qon kasalliklarida, 5 yoshgacha bo’lgan bolalarga va homiladorlarga qo’llash man etilgan.
Tetracyclini hydrochloridum (tetratsiklin) :qobiqli tabletka – 0,05, 0,1, 0,25g, malham – 10 g.
Apcyclinum (apsiklin) – tabletka 0,25.
Methacyclininum hydrochloridum (metatsiklin) – kapsula 0,15-0,3.