Фарғона политехника институти

Фаоллик тамойилида ўқувчиларни ўзини кўпроқ ҳаракат қилишларига , мустақил 
ишлашларига ўргатилади . 
Назариянинг ўқитиш амалиёти билан боғлиқлиги тамойилида ўқувчиларнинг 
эгаллаган назарий билимлари амалий ва лаборатория машғулотларида ўқитувчи раҳбарлиги 
остида тажрибалар ўтказиш ва назариянинг тўғрилигини асослаш ва унга ишонч ҳосил 
қилиш , бундан сўнг эса ишлаб чиқариш таълими жараёнида уларнинг фаолликларини 
ошириш усуллари ўргатилади. 
Ўқитишнинг кўзгазмалилиги тамойили. Бу тамойил ўқитиш жараёнида турли 
сезгилардан: кўриш, эшитиш , бадан билан сезиш ва бошқалардан фойдаланишни талаб 
этади. Ўқувчилар буюмни қанчалик ҳар томонлама идрок қилишса, уларнинг шу буюм 
ҳақидаги билими ҳам шунчалик тўла ва чуқур бўлади. 
Ўқитишнинг тушунарли бўлиши тамойили ўрганилаётган материалнинг 
мазмуни, ҳажми ва ўқитиш методлари ўқувчиларнинг ёшига, тайёргарлик даражасига, 
жисмоний кучи ва билиш имкониятларига мос бўлиши талаб этилади. Ушбу тамойилга кўра 
ўқувчиларга берилаётган материал юқорида келтирилган омилларга мос равишда жуда содда 
ҳам, жуда мураккаб ҳам бўлмасин. Чунки жуда содда тушунтириш ўқувчиларни ақлий 
ривожланишини сустлаштиради, мураккаби эса тушунарсиз бўлиб ўқувчиларни фандан 
совутади. 
Намуналардан фойдаланиш тамойили. Ўқитувчи ўқув материалининг мазмунини 
тушунтириш учун ҳар доим яхши намуналарни танлашга ҳаракат қилиши керак. Яхши нусха, 
амалиётдан намунавий мисоллар, яхши ҳамда ёмон машғулотлар ҳам қўйилган даражадаги 
натижаларнинг сифати қандай бўлиши ёки бўлмаслигини аниқ кўрсатади. 
Дидактик редукция тамойилида ҳажми катта материаллар қисқартирилиб, 
асослаштирилиб тушунтирилади. Тажрибали ўқитувчи мураккаб жараёнларни осон сўзлар 
билан тушунтира олади. 
Илмийлик тамойили. Ўқувчиларга ўрганиш учун илмий жиҳатдан асосланган, 
амалда синаб кўрилган маpлумотлар берилишини талаб этади.