Фарғона давлат университети

Меҳнат хавфсизлиги қоидалари
Ходимлар учун кириш йўриқномаси ва иш жойида йўриқлаштириш берилади ва у ўз ичига ишни бошлашдан олдин, иш вақтида фавқулотда ҳолатларда ва ишдан кейинги хафвсизлик техникаси қоидаларини қамраб олади. Шунингдек, мустақил ишлашга рухсат беришда ички тартиб қоидалари, ишлаб чиқаришнинг заҳарли факторлари, махсус кийим бош нормалари, шахсий химоя воситалари, шахсий гигиена қоидалари, йўриқнома талаблари бузилганда жавобгарлик мезонлари ҳам ўз аксини топган бўлиб, иш тугагандан сўнг мосламаларни ўчириш, тўхтатиш, мойлаш, тозалаш, чиқиндиларни олиб ташлаш, сменадошига топшириш каби ишлар бажарилиши ҳам кўзда тутилади.
Стандартлар системаси
Жароҳатланишни олдини олишда Ўзбекистон Республикаси Вазирлар маҳкамасининг техника бўлими томонидан ишлаб чиқилган хавфсизлик техникаси қоида ва талабларини ўзида мужассамлаштирган стандартлар системаси мухим ўрин тутади.
«0»-стандартлаштиришнинг ташкилий услубий асослари
Ишлаб чиқаришнинг заҳарли ва хавфли факторларининг рўйхати, классификацияси хавфсизлик техникаси талабларининг мақсад ва вазифалари.
«1»- стандартлаштиришнинг параметрларини аниқлаш
Ишлаб чиқаришнинг заҳарли ва хавфли факторларини турларини, параметрларини, рухсат этилган қийматларини аниқлаш, химоя қилиш усуллари.
«2»- стандартлаштиришнинг назорат услублари
Ишлаб чиқаришда хавфсизлик талабларини бажаришни назорат қилиш услублари ишлаб чиқарилади.
«3»-стандартлаштиришнинг алоҳида технологик жараёнларга қўйиладиган талаблари
Ишлаб чиқариш жараёнининг хавфсизлик талаблари, технологик жараёнларининг алоҳида турларига қўйиладиган талабларни ишлаб чиқиш.
«4»- стандартлаштиришнинг назорат услубига алоҳида қўйиладиган талаблари
Назорат услуби ва уни баҳолаш, химоя воситаларининг типлари, турларига қўйиладиган талаблар.
«5»- стандартлаштиришнинг бино, иншоатларга қўйиладиган талаблари
Бино лойиҳаси, бинода ишлаётган ходимларнинг хавфсиз ишлашлари ва назорат қилиш услублари талаблари.