Фарғона давлат университети

Саноатда хавфсиз иш олиб бориш ва тоғ ишлари хавфсизлиги техник давлат назорати
Саноатда ва кончиликда ишларнинг бехатар олиб борилишини назорат қилиш агентлиги («Ўзсаноатконтехназорат» агентлиги) Республика давлат бошқаруви назорат қилиш ва текшириш органи ҳисобланади, ўз фаолиятида Ўзбекистон Республикаси конституциясига, Ўзбекистон Республикаси президенти фармонлари ва фармойишларига, Олий мажлис қонунларига, Вазирлар маҳкамаси қарорлари ва фармойишларига амал қилади. У технологик меъёрларнинг бузилганлигини шунингдек хавфсизлик техникаси қоида ва кўрсатмаларига риоя килинаётганлигини кузатиб боради.
Бундан ташқари бу ораган босим остида ишлаётган Буғ қозонлари ва идишларнинг ҳолатини сув иситиш қозонларини иссиқ сув ва пар берадиган қувурлар юк кўтарувчи кранлар, лифтлар ва одамларни ташийдиган осма арқон йўлларининг ҳолатини кузатади ҳамда қоидалар бузилмаётганлигини текширади. «Ўзсаноатконтехназорат» саноат корхоналаридаги қозон агрегатлар, кўтариш қурилмаларини текшириб, ишлаши учун рухсат беради ва уларни рўйхатга олади. У капитал қурилиш обеъктларини қабул қилишда назорат остидаги обеъктда бўладиган бахтсиз ходисалар сабабларини аниқлашда қатнашади.
Ёнғин хавфсизлигини олдини олиш назорат органи
Ёнғин хавфсизлиги назорати Республика ички ишлар вазирлигини ёнғиндан мухофаза қилиш Бош бошқармаси ва маҳаллий органлар зиммасига юклатилган. Маҳаллий бошқарув органлари ва ёнғиндан мухофаза қилиш бўлимлари ҳамда ёнғинга қарши курашувчилар, ўзлари хизмат кўрсатадиган саноат корхоналарининг ҳамма обеъктларида ёнғинга қарши кураш чора-тадбирларининг бажарилишини, ёнғинга қарши кураш олиб борувчи хизматчиларнинг тайёргарлигини корхонадаги ёнғинни ўчириш воситаларининг ишга яроқлилигини ва янги ишлаб чиқариш корхоналарини лойиҳаланганда ёнғин хавфсизлигига риоя қилинаётганлигини кузатиш йўли билан назорат қилиб боради. Ёнғин чиқмаслиги чораларини кўриш вазифаси ходимлар зимммасига юклатилган.
Энергетика назорати
Давлат энергетика назорати Ўзбекистон Республикаси энергетика ва электрлаштириш вазирлигининг тегишли органлари томонидан амалга оширилади. Унинг асосий вазифаси электростанцияларни электр ва иссиқлик қурилмаларининг техник ҳолатини ва уларда хавфсизлик хизмати кўрсатишни назорат қилиб туришдан иборат. Энергетика назорати электр қувватидан тўғри фойдаланаётганлигини ва электр қурилмаларининг техника ҳолатини кузатиб боради.