Фаннинг ўқув-услубий мажмуаси Ўзбекистон Республикаси Олий ва ўрта махсус таълим вазирлигининг 017 йил мартдаги 17-сонли буйруғига асосан тайёрланган

ГЛОССАРИЙ
"Рим археологияси" – Диодорнинг замондоши Диодор Галикарнасский Римнинг Пуни урушларигача бўлган даврини "Рим археологияси" атамаси билан атаган.
GIS (рус-ГИС, узб-ГАТ) – Географик ахборот тизими
Алтар – ўтроқ деҳқончилик маданияти илк шаҳарларида катта патриархал оила, квартал жамоаси ва шаҳар ибодатхонаси бўлиб, улар ичида албатта махсус ибодат объекти жойлашган. Бу жой археология амалиётида “Алтар”, “Оташгоҳ”, “Оташкада” деб деб аталган.
Антик – юнон. қадимги
Антрокология (Anthracology) – тошкўмир қолдиқлари билан шуғулланувчи археология.
Антропоген даври – Геологик давр хисобланади
Антропология– грекча сўз бўлиб, “antropos” – одам, “lo-gos” – фандемакдир.
Арки аъло –ўрта аср шаҳарлари тарихий топографиясини мукаммал ўрганган В.В. Бартольд ўзининг “К истории Мерва” мақоласида (В.В.Бартольд, соч., том IV, c.173-174) ўрта аср шаҳарлари уч қисмдан, яъни Арк (кухандиз), Шаҳристон (ички шаҳар) ва Рабод (ташқи шаҳар)дан иборат эканлигини биринчи бор асослаган. Арк шаҳарнинг энг баланд, атрофи мудофаа деворлари ва сув тўлдирилган махсус хандак билан ўраб олинган. Аркда шаҳар ҳукмдорининг маҳобатли саройи, масжид, зиндон ва шахсий қўрикчилари ҳамда шаҳар маҳкамаси жойлашган. Арк бир дарвазали, унга қўриқчили кенг пандус орқали кўтарилган (кирилган).
Архаика даври – бу кишилик жамиятининг илк темир даври (мил. авв. VII-IV асрлар) ижтимоий-иқтисодий, сиёсий ва этномаданий ҳаётига нисбатан археологлар томонидан ишлатилган атама
Археоботаника ёки палеоботаника – ёдгорликларда маданий ўсимликлар қолдиқларини тадқиқ этувчи археология.
Археозоология – ёдгорликларда ҳайвон суяк қолдиқларини ўрганувчи археология.
Археолог – археология фани билан шуғуллуанувчи олим, қадимшунос.
Археологик 6уюмшунослиги — археологиянинг ҳар бир археологик даврга оид буюм ва жиҳозларни ўрганадиган соҳаси. Ҳар бир буюмнинг ўзига хос келиб чикиш ва тараққиёт тарихи бор. Ҳозирги кунда ишлатилиб турган буюмлар (пичоқ, козон, пиёла,коса) ибтидоий замонлардан бошлаб неча босқичларни ўтиб, сўнгги ҳолатида бизга етиб келган. Ҳар бир тарихий давр ва босқичнинг буюмлар мажмуаси археология фанида ойдинлашади. Шунинг учун ҳар бир даврнинг буюм ва жиҳозларини ўрганишда Археологик 6уюмшунослигининг аҳамияти катта.