Fanidan O‘quv metodik majmua

 
15-Mа’ruzа. Birlamchi tibbiy yordam ko‘rsatish asoslari.
Rеjа: 
1. Suyak singanda ko‘rsatiladigan birlamchi tibbiy yordam.
2. Suvga cho‘kkan odamga, muzlagan, elektr toki urgan insonlarga tibbiy yordam ko‘rsatish.
3. Termik shikastlanishlar. Kuyishlar. 
4. Zaharlanish turlari, sabablari, zaharlanishga qarshi birinchi yordam 
1. Suyak singanda ko‘rsatiladigan birlamchi tibbiy yordam 
Qo’l-oyoqlarning shikastlanishi
.
Oyoq-qo‘llarning jarohatlari barcha shikastlanishlarning asosiy qismini 
tashkil etadi. Oyoq-qo‘llarning yopiq shikastlanishlariga lat yeyish, et uzilishi paylarning shikastlanishlari, 
gemartroz (bo‘g‘imlarga qon quyilishi), chiqishlar, yopiq sinishlar va boshqalar kirib, bunda teri qoplamining 
va shilliq pardalarining butunligi buzilmaydi. Ochiq shikastlanishlarga har xil jarohatlar (kesilgan, o‘q tekkan 
va boshqalar) kirib, bunda teri va shilliq qavatlarining butunligi buzilgan bo‘ladi. 
Lat yeyishlar
. Qo‘l-oyoqlarning lat yeyishlari nisbatan katta bo‘lmagan kuch ta’siri natijasida paydo 
bo‘lib, ular qon to‘rejaishi (gematoma) – shish, og‘riq va paypaslaganda og‘riqning kuchayishi bilan kechadi. 
Birinchi yordamga bosib turuvchi bog‘lam va mahalliy sovuq qo‘llash kiradi. Paylarning cho‘zilishi va 
uzilishlari bo‘g‘imlarda kutilmaganda va keskin harakat natijasida yuzaga keladi. Bunday shikastlanishlarga 
yumshoq to‘qimalarga qon quyilishi xos bo‘lib, buning oqibatida shish, bo‘g‘imda og‘riq paydo bo‘ladi, 
harakatning chegaralanishi yoki og‘riqning kuchli bo‘lishi sababli harakatlana olmaslik yuzaga keladi. 
Birinchi yordam ko‘rsatishda tarang qilib bintlanadi, immobilizatsiyalanadi va sovitish vositalari (muz, 
qor) qo‘llaniladi. Muskul va paylarning uzilishlariga taxmin qilingan taqdirda bemorni travmatologiya 
bo‘limlariga yotqiziladi.