Fanidan O`quv metodik majmua

Intizomny tarbiyalash: o‘z xulqi, o‘qishi, mehnati uchun ma’suliyatni tarbiyalashni; qoidalar va axloqiy normalarni tez va aniq bajarish odatlarini shakllantirishni; sobiq sovet davlatining normalari va qonunlari haqidagi bilimlarni ma’lum qilishni; davlat normalari va qonunlariga mas’uliyat bilan munosabatda shakllantirishini o‘z ichiga oladi.
Estetik qarashlarni tarbiyalash yuksak xulq-atvor va nutq madaniyatini o‘stirish, hal qilingan masala, bajarilgan ishdan esetik zavq olishni shakllantirish; ijodkorlik, novatorlikka intilishni tarbiyalash bilan bog‘liqdir. Dars rejasida tarbiya maqsadini amalga oshirish uchun darsda qanday materialdan foydalanish zarurligini ko‘rsatish lozim.
III.Rivojlantirish. Hozirgi kunning talabi faqat bilimlarni ma’lum qilib qolmay, balki predmetni o‘zlashtirish uchun zarur bo‘lgan o‘quv va malakani shakllantirish va rivoj toptirishdan ham iboratdir.
O‘quv malakalar predmetning mazmuni kabi ta’limning zaruriy tarkibiy qismlari hisoblanadi. SHuning uchun o‘qituvchi predmetning spetsifikatsiyasiga qarab, o‘quvchilarda aniq malaka va o‘quvchilarni rivoj toptirish kerakligini bilishi muhimligi bilan birga, o‘quv muassasalarining pedagoglari har bir tarbiyalanuvchida barcha aql-idrok, fikrlash sifatlarini rivojlantirishlari shart.
SHunday qilib, biz rivojlantirish maqsadlari haqida so‘z yuritar ekanmiz, darsda asosan o‘quvchilar shaxsning psixik sifatlarini rivojlantirishni nazarda tutamiz. Bu sifatlar intellekt (diqqat, xotira, fikrlash) va bilish qobiliyatlaridir. Psixologik adabiyotlar tahlili quyidagi rivojlantirish maqsadlari amalga oshirish zarurligini ko‘rsatadi.
Fikrlashni rivojlantirish: muhim belgilar va xususiyatlarni ajrata bilishni, voqeiylikdagi hodisalar o‘rtasida aloqa o‘rnatish; yagona, umumiy belgilarni aniqlash mahoratini rivojlantirish, o‘rganiladigan material rejasini tuzish, biror qurilma va shu kabilarning ishlash jarayonini bilib olish; faktlarni tasniflash malakalarini rivojlantirish; umumlashma xulosalar chiqarish, umumiy va muhim belgilarni, bog‘lanish va munosabatlarni belgilash; bilimlarni amalda qo‘llash mahoratini o‘stirish; fikrlashning ijodiy komponentlarini rivojlantirish noctandart echimlarni topa bilish.