Fanidan O`quv metodik majmua

I.Ta’limning maqsadi o‘quvchilarda yangi tushunchalar va harakat usullarini, ilmiy bilimlar tizimi va boshqalarni shakllantirishni ko‘zda tutadi. Maqsadni aniqlashtirish zarur. Umumiy ravishda ta’lim maqsadining quyidagi turlarini tavsiya qilish mumkin.
Ta’lim maqsadini turlari quyidagilardir: yangi tushunchani shakllantirish, o‘quvchilarning qonunlarni, xususiyatlar, belgilar va xossalarini bilib olishlarini ta’minlash; harakat qilishning yangi usulini o‘rgatish; malakalar (qanday) hosil qilish, harakat qilishning ma’lum usullarini mustahkamlash; o‘quvchilarni namuna bo‘yicha topshiriqlarni bajarishga yoki yangi vaziyatda bilimlarni qullay bilishga o‘rgatish; dunyoqarash g‘oyalari va muammolarini ajratib ko‘rsatish hamda turli darajada ularni o‘zlashtirishda yordam berish; o‘quvchilarni voqealarga sinfiy (estetik) nuqtai nazardan baho berishga o‘rgatish; ularni muayyan xulosaga olib kelish; fanlarni o‘zlashtirishga erishish va boshqalar.
Ta’limning aytib o‘tilgan maqsadlarini aniqlashtirish zarur. Buning uchun, eng avvalo, o‘quv dasturi talablarini, o‘quvchilar bilimi va ko‘nikmalarining mazmuni hamda hajmini, ularning o‘qishga bo‘lgan munosabatlarini hisobga olish zarur. Boshqacha qilib aytganda, ta’limning maqsadlari mazkur predmetning ob’ektiv imkoniyatlariga, pedagogik protsessni metodik jihatdan ta’minlashga (didaktik vositalar, ta’limning texnik vositalari va boshqalar) o‘quvchilarning olgan dastlabki ta’lim darajasiga muvofiq kelishi zarur.
Eng asosiysi - hozirgi zamon ishlab chiqarishning ilmiy asoslarini, uni intensivlashtirishning etakchi yo‘nalishlarini chuqur o‘rganib chiqish, bunda ba’zi korxonalarining spetsifikatsiyasini hisobga olish zarur, shuni ham ta’kidlash lozimki, ta’lim maqsadini har bir darsda har xil qo‘yish shart emas, bu maqsadga bir necha dars davomida erishish mumkin.
II.Tarbiyaning maqsadi o‘quvchilarda shaxsning muayyan xususiyatlari va xarakter sifatlarini shakllantirishni ko‘zda tutadi. Psixologiyada shu narsa aniqlanganki, shaxsning biror sifati va xarakterini bir dars mobayinida tarbiyalab bo‘lmaydi. Tarbiya -uzoq davom etadigan jarayon.
Umumiy tarzda darsda tarbiyaning quyidagi maqsadlarini tavsiya qilish mumkin.