Фанидан маъруза матни

Ҳафталик тақсимлаш усули 
 
Электр энергиясини истеъмол қилиш шанба ва якшанба кунлари камаяди. Шу кунлари 
ГЭС даги юкланишни камайтирилиб, сув омборида сув йигилади. Йигилган сув хажмини иш 
кунлари ишлатилиб, ГЭС дан электр энергиясини олиш оширилади. 
Ҳафталик тақсимлаш суткалик тақсимлаш билан биргаликда олиб борилади. 
ГЭСнинг пик графигига ишлашида юқори бьеф сатҳи камаяди, натижада напор катталииги 
ўзгаради. Кам юкланишда эса юқори бьеф сатҳи кўтарилади. ГЭСнинг пасайган сатҳда ишлаши 
ҳисобига электроэнергия йўқолиши кузатилади. 
Напор камайиши ва энергия йўқолишининг иккичи сабаби суткалик тақсимлашдаги қуйи 
бьеф сатҳининг ўзгаришидир. 
Суткалик тақсимлашда сув сарфиниинг ўзгариши сув келтирувчи иншоотларда қўшимча 
напор йўқолишига олиб келади. Айрим ҳолларда энергия йўқолиши ФИК ўзгариши ҳисобига 
бўлиши мумкин. 
Ҳамма кўринишдаги йўқолишлар суткалик тақсимлашда ГЭС суткалик қувватининг 1 3 % 
ига тенг бўлади. 
Ҳафталик тақсимлашда энергия йўқолиши худди шу факторлар билан аниқланиб паст 
напорли гидроузелларда кўп бўлиши юқори напорлиларда эса СТБ катталашишига олиб келиши 
мумкин. Шунинг учун суткалик тақсимлаш айрим ҳолларда ҳафталик тақсимлашсиз бажарилади. 
ГАЭС ва НСларнинг суткалик иш режимлари
 
 ГАЭС 
турбина режимида юкланиш графигининг пик соатларида ишлайди ва
энерготармоқка электрэнергияси беради. Бу иш 4 - 5 соатдан ошмайди. 
Суткалик юкланиш камайганда СЙЭС насос режимида ишлайди ва электр тармогидан 
энергия олиб, сувни қуйи бьефдан юқори бьефга хайдайди. Бу иш 6 8 соат давом этади. Колган 
сутка соатларида СЙЭС агрегатлари синхрон компенсатор режимида ишлаши мақсадга 
мувофиқдир. 
СЙЭС асосан суткалик тақсимлаш режимига мослашади. Кўпгина ҳолларда НСлари бир-
хил юкланишда сутка давомида ишлайди. Шунинг учун НС ларини "Истеъмолчи - регулятор" 
режида ишлатиш энерготармоқ учун қулайлик тугдириши мумкин. Бунинг учун керакли 
иқтисодий - техник ҳисобларни бажарилиши шарт. 
Кўпгина НС лари суғориш тармоқларида кўзги - қишки даврларда ишламайди. Уларни 
синхрон компенсатор режимида ишлатилса, энерготармоқ учун реактив қувват ишлаб бериш 
мумкин, бунинг учун насос камерасидан сувни сикиб чикарувчи шароит яратилиши зарур.