Фан: сифатни бошқаришнинг статистик усуллари

МАВЗУ: “СИФАТНИ БОШҚАРИШНИНГ СТАТИСТИК УСУЛЛАРИ” ФАНИНИНГ МАҚСАД ВА ВАЗИФАСИ (2 СОАТ)

РЕЖА:

• Фаннинг мақсади ва асосий вазифаси
• ISO 9000 стандартида статистик усулларни ўрни ва аҳамияти

ФАННИ ЎҚИТИШДАН МАҚСАД

Талабаларда ишлаб чиқариш корхоналаридан қўлланиладиган турли назорат усуллари, назорат қилишда қўлланиладиган воситалар, маҳсулот кўрсаткичлари тўғрисида олинаётган маълумотларни статистик таҳлил қилиш, ҳисоблаш асослари ва уларни муайян шароитларга мос ҳолда қайта ишлаш усуллари бўйича таълим йўналишига мос кўникма ва малакани шакллантиришдан иборат.

ФАННИНГ ВАЗИФАСИ

Талабаларга маҳсулот кўрсаткичларини назарий баҳолаш, уларнинг турлари ва статистик назорат қилиш усулларини маълум маҳсулотнинг сифатини текшириш учун улардан муносибларини танлаб олишни ўргатишдан иборат.

“Сифатни бошқаришнинг статистик усуллари” фанни ўзлаштириш жараёнида амалга ошириладиган масалалар доирасида бакалавр:

• ишлаб чиқариш корхоналарида қўлланиладиган сифатни бошқариш турлари ва усулларининг тенденцияларини; статистик назорат тушунчалари ва таърифларини; маҳсулот сифатини бошқаришда қўлланиладиган математик амаллар, қонуниятларни, статистик усулларнинг сифатини бошқаришдаги аҳамияти; статистик усул таърифини; тасодифий танлашни ўзлаштиришни; белгиларнинг сонли ва сифатли бўлишини; танланган характерлар ва уларни хусусиятларини; танланган характеристиканинг тақсимланишини билиши керак;
• талаба маҳсулот сифатини ўлчашдаги хатоликларни аниқлаш, хатоликлар турлари, уларни ўлчаш жараёнини олиб боришдаги роли ва аҳамиятини; технологик жараёнларни назорат қилиш ва текшириш, текшириш усуллари ва абобларини; танланган бошқаришнинг назариясини, статистик гипотезаларни текширишни; бир каррали, икки каррали кетма-кетликдаги режаларнинг сифатли белгиларини бошқаришни; бир қиррали ва кўп қиррали чегараланишларнинг қийматли белгиларини текширув режаларини; математик-статистик усулини; сифат белгисини текширишни статистик усулларини тўғри қўллаш кўникмаларига эга бўлиши керак;