Фалсафа – дунёкараш

Фалсафа – дунёқараш

Режа:
1. Дунёкараш, унинг мазмуни ва таркиби.

2. Дунёкарашнинг тарихий типлари.
3. Фалсафий дунёкараш мохияти.
4. Фалсафий дунёкараш функциялари


ФАЛСАФА – ДУНЁКАРАШ
К И Р И Ш

Замон шиддат билан узгариб бормокда. Ижтимоий хаётимизниннг бирор сохаси йукки, замон нафасидан холи булса, замон таъсиридан айри булса. Ким билсин, ХХ асрнинг охири- ХХ1 асрнинг боши инсоният тарихига узгаришлар шиддати зур бир давр сифатида кирар.

Кишилик жамиятидаги узгаришлар маънавиятини, ижтимоий онг шакллари ва даражаларини хам четда колдирмаётир. Айтайлик, ХХ асрда фан ва илмий онг тубдан узгарди. У мураккаб табиатга эгалиги кашф килинди. Кечагина узгармас догматларни тарғиб килиш билан чекланган дин хам модернизация жараёнларини бошидан кечирмокда. Бундай шароитда фалсафа ва фан, фалсафа ва дин уртасидага тафовутлар хусусида фикр юритиш энг мухими, “Фалсафа нима?” деган саволга жавбо бериш алохида ахамият касб этади.
ХХ аср шундай масалани кун тартибига куйишини (умуман олганда, фалсафа тарихида мутахасислар бу саволга бир неча бор (агар муттасил) булмаса) жавоб беришга муваффак булганлар) олдиндан хис этган Генрих Струве 1890 йилда “Фалсафага кириш” деб номланган асарини нашр килади хамда “фалсафа фалсафаси” деб номланган янги ихтисосликни шакллантириш зарурлигини асослаб беради. Унинг фикрича, фалсафа фалсафаси (буни хозир “фалсафий билим назарияси” ёхуд “метафилософия” деб хам атайдилар) фалсафий муаммолар табиатни аниклаш фалсафа объекти ва предметини ифодалаб бериш, фалсафанинг ижтимоий онг бошка шаклларидан фаркини очиш билан шуғулланиш керак.
Бирок шу мавзуга бағишланган яхлит илмий ишлар бармок билан санокли даражада. Узбек фалсафасида хам фалсафа фалсафасини яратиш зарурияти аллакачонлар пишиб етилган. Муаллиф ана шу заруратни кондиришга уз хиссасини куйишни максад килиб куяди.


1. ДУНЁКАРАШ ВА УНИНГ СТРУКТУРАСИ
Фалсафа оламига кадам куяр эканмиз, одатда у ёки бу муаммоси, баъзи файласуфларнинг номлари билан таниш эканлигимиз маълум булади. Чунки болалик чоғларимизданок олам хакидаги илк билимларимизни жамлаш билан бирга инсоният такдири, кишилар хаёти ва мамоти, орзу-умидари, ташвишлари ва кувончлари хакида уйга толамиз. Шу тарика онгимизда файласуфларни асрлар мобайнида ташвишга солиб келган муаммолар юзасидан фикрлар, мулохазалар шакллани боради.
Олам кандай яралган? Ундаги моддийлик билан маънавийлик уртасида кандай алокадорлик мавжуд? Оламга зарурият устунми ёки тасодифми? Оламдаги узгаришлар кай тарзда юз беради? Харакат нима, прогрессчи? Прогреснинг асосий мезонлари нималардан иборат? Хакикатни ёлғондан кандай ажратмок лозим? Виждон, маъсулият, халоллик, адолат, гузаллик деганда нимани тушуниш керак? Шахснинг жамитятдаги урни кандай? Инсон хаётининг мазмуни ва маъноси нимадан иборат?
Ушбу абадий саволлар кулами турли муаммоал хисобига бойиб бормокда. Инсонпарвар, демократик жамият нима? Бундай жамиятни барпо этиш рецепти мавжудми? Бугунги кунда сайёрамиздаги ижтимоий-иктисодий, сиёсий ва маънавий ва экологик вазиятни кандай бахолаш керак? Инсониятга тахдид солаётган хавф-хатарлардан кутулиш имкони борми? Кандай килиб инсонпарварлик ғояларини саклаб колиш мумкин?
Хазрати инсон оламда уз урнини аниклашга, белгилашга интилиши туфайли бундай мулохазаларга эхтиёж туғилган. Кишининг фалсафа билан ғойибона танилишининг сабаби хам ана шунда. Фалсафий тафаккур оламига кадам куяётган хар бир киши юкоридаги муаммоларга узининг кундалик турмушидаги хулосаларга асосланиб жавоб беради. Фалсафий мушохада эса инсондан уз фикрларини хар томонлама илмий исботлашни талаб килади. Шунингдек, фалсафани урганишга киришишимиз билан баъзи тасаввурларимизнинг нотуғри, хатолигига амин буламиз. Зеро, фалсафа кишининг мулохазаларини хатолардан холи килади, ривожлантиради, олам ва одам туғрисидаги карашларни системалаштиради. Дунёкараш муаммоларига онгли муносабатда булиш эса шахсни шакллантиришнинг зарурий шартидир.
Барча касб сохиблари учун фалсафа сув-хаво каби зарурдир. Чунки фалсафа хар бир мутахасисга уз сохасини мукаммал урганиши учн замин яратади, оламни яхлит холда тасаввуркилиш имконини беради. Дархакикат, хар бир киши уз касбининг мохир устаси булиши билан бирга кенг дунёкарашга эга булиши зарур. Дунёкараш эса инсоннинг амалий фаолияти туфайли бойиб, ривожланиб боради. Шунинг учун хам фалсафани урганишни дунёкараш структураси тахлил килишдан бошлаш максадга мувофикдир.
Дунёкараш – инсон онгининг зарурий кисмидир. Бирок у онгнинг элементларидан бири эмас, уларнинг мураккаб йиғиндисидир. Билимлар, эътикодлар, фикр-мулохазалар, кайфиятлар, хис-туйғулар дунёкараш структурасидан жой олар экан, кишиларнинг олам хакидаги яхлит тасаввурларини, тушунчаларини вужудга келтиради.
Дунёкараш – интеграл тузилма булиб, унинг барча элементлари узаро алокадордир. Дунёкараш структурасида эса энг асосий уринни умумлаштирилган билимлар эгаллайди. Ушбу билимлар хажми канчалик булса, инсон дунёкараши хам шунчалик кенг булади. Улардан ташкари дунёкараш структурасида кадриятлар хам алохида ахамиятга эгадир.
Куриниб турибдики, инсон дунёкараши икки мустахкам асосга таянади: улардан бири билимлар булса, иккинчиси кадриятлардир. Хуллас, дунёкараш – карашлар, бахолар, принциплар йиғиндисидан иборат яхлит система булиб, унинг энг асосий компонентлари билим, эътикод ва хулк-атвордир.
Кишиларнинг аклий ва хиссий тажрибалари дунёкарашнинг турли шаклларида турли тарзда уз ифодасини топади. Унинг хиссий-рухий томонини дунёни хис этиш деб атасак, кишининг олам хакидаги тасаввурларини дунёни идрок килиш деймиз. Дунёкарашнинг интелектуал томонини дунёни тушуниш таклиф ташкил этади.
Турли дунёкарашларинг “аклийлик коэффициенти” турлича булади. Шунингдек, уларнинг хис-туйғуларга асосланганлиги даражаси хам фарк килади. Бирок бундан катъий назар, хар кандай дунёкараш иккала кутбни хам уз ичига олади. Хатто энг етук дунёкараш хам факат аклийлик компонентидан иборат эмас, аксинча, хатто энг ривожланмаган дунёкараш хам факат хис-туйғулардан иборат эмас, чунки дунёкараш биргина акл махсули эмас, у инсон хис-туйғуларига асосланади ва аксинча, дунёкараш биргина хис-туйғулар махсули эмас, у аклга асосланади.
Турмуш ташвишлари турли хис-туйғулар, кайфиятларни вужудга келтиради. Баъзилар оламни факат яхшиликлар, эзгуликлар ва байрамлардан иборат, деб тасаввур килсалар, бошкалар уни “кора рангларда” тасвирлашга мойилрокдирлар. Кишининг дунёни хис этиши хам ана шундай туйғуларга боғлик. Шу боисдан баъзилар оптимист булсалар, бошка бировлар пессимистик кайфият оғушида юрадилар. Дарвоке, киши кайфиятига унинг жамиятдаги урни, миллати, ёши, соғлиғи ва хоказолар хам уз таъсирини утказади. Айтайлик, мутлак соғлом киши билан бедаво дардга чалинган киши дунёни турлича хис этадилар.
Дунёкараш структурасида акл ва хис-туйғулар ирода билан чатишиб, бирлашиб кетадики, бу бутун структурага узгача характер бахш этади. Дунёкарашга бирлашган элементлар амалиётда синовдан утганидан кейин, яъни шубха остига олинган фикр-мулохазаларнинг туғрилигига амин булганидан сунг эътикодга айланади. Эътикод кишилар томонидан уз эхтиёжлари ва манфаатларига мос тарзда узлаштирилган, кабул килинган карашлар йиғиндисидир. Бирок шуни хам эътибордан четда колдирмаслик лозимки, шак-шубхасиз кабул килинган, амалиётда кулланмай узлаштирилган карашлар догматизмни вужудга келтиради. Аччик тажрибамиздан бизга маълумки, бундай позиция жамият тараккиётини секинлаштиради, турли кулфатларга сабаб булади. Шу билан бир каторда карашларнинг хаддан зиёд шубха остига олиниши бошка бир иллат – скептицизмни юзага келтиради. Окибатда инсон хеч кандай ғояга ишонмай, хеч кандай идеалга хизмат килмай куяди. Инсонпарвар, демократик жамият барпо этиш жараёни кетаётган бугунги шароитда хам догматизм, хам скептицизм – хавфли иллат хисобланади. Чунки улардан бири ислохотларни муваффакиятли амалга оширишга тускинлик килса, иккинчиси олдимизга турган буюк максад йулида фукороларни бирлаштиришга ғов булади.
Ижтимоий тараккиётнинг барча боскичларида соғлом мулохазага, амалий тажрибага асосланган карашлар мухим ахамиятга эга. Бундай карашларни баъзан “хаёт фалсафаси” дейишади. Дунёкарашнинг стихияли тарзда шаклланадиган бу шакли жамиятнинг турли катламларига хос булган дунёни хис этишни ва аклнинг йуналишларини ифодалайди.
Хаётий-амалий дунёкараш бир хил булмайди, чунки унинг сохибларининг маълумот даражаси, интеллектуал, маънавий маданиятнинг савияси, миллати ва дини турличадир. “Хаёт фалсафа” куламининг кенглиги хам шундадир.
Хаётий-амалий дунёкарашнинг узига хос тури кишиларнинг турли фаолият сохаларидаги билим ва тажрибалари асосида шаклланган карашлари билан боғлик. Чунончи, олим дунёкараши амалдор дунёкарашидан тубдан фарк килади. Шунингдек, илмий, бадиий, сиёсий ижодиёт давомида яралган ғоялар хам ижтимоий дунёкарашга, хам профессионал файласуфлар тафаккурига катта таъсир утказади. Амир Темур, Алишер Навоий, Захириддин Мухаммад Бобур ижодининг мамлакатимиз фалсафасига таъсири бунинг ёркин далилидир.
Бирок шуни хам унутмаслик керакки, хаётий-амалий дунёкараш ижобий тажрибалар, анъаналарнигина эмас, хурофот ва таассубларни хам узида жамлайди. Дунёни бундай тушуниш хато ва янглишишлардан хам холи эмас, баъзида эса носоғлом кайфиятлар (масалан, шовинизм, миллатчилик, иркчилик ва хоказолар) таъсири остига хам тушиб колиши мумкин. Энг асосийси, унда системалик ва изчиллик йук.
Системалилик, изчиллик ва асосланганлик – оламни тушунишнинг назарий даражасига хос булган хислатлардир. Фалсафа хам дунёни тушунишнинг айнан шу даражасига тааллуклидир. Дунёкараш тушунчасининг хажми фалсафа тушунчасининг хажмидан каттарокдир.
Эйлер доираларида буни айникса аник ифодаласа булади (1-чизмага каранг). Дунёкарашнинг бошка шакл ва типларидан фаркли уларок фалсафанинг барча ғоялари назарий жихатдан асосланган, мантикан изчилдир. Файласуф эса нафакат ана шундай дунёкараш сохиби, балки дунёкарашнинг структурасини тахлил килишни узига касб этган зотдир.
Хулоса килиб айтадиган булсак, дунёкараш – билимлар ва кадриятлар, интелект ва хис-туйғулар, эътикодлар ва гумонлар йиғиндисидир. Шунинг учун хам унинг уч томони мавжуд: дунёни хис этиш, дунёни тушуниш, дунёни идрок этиш. Системалилиги, “изчиллиги”, ғояларнинг асосланганлиги холатига караб дунёкарашни икки даражага буламиз: хаётий-амалий дунёкараш ва назарий дунёкараш.