Ф. Жуманова, С. Авазова, Г. Жобборова, У. Хуснетдинов

Педагогик антропологиянинг етакчи ғоялари: 
1) инсоннинг биологик ва маънавий табиати бир бутунлиги (яхлитлиги); 

---

96 
2) ҳар бир инсондаги умумийлик, ўзгачалик ва алоҳидалик бирлиги; 
3) инсонда индивидуаллик (шахсийлик) ва ижтимоийликнинг ўзаро боғ-
лиқлиги; 
4) инсон камолотида ақлий, аҳлоқий ва физиологик асослар бирлиги; 
5) инсоннинг таълим олганлиги ва яхши тарбия кўрганлиги; 
6) барча шахсий хусусиятларнинг мослашувчанлиги. 
Педагогик антропология педагогик фаолият ўта мураккаблигини аниқ 
тушунишга имкон беради, чунки субъективлик тушунчаси тарбиячи ва тар-
бияланувчининг ўзаро муносабатидаги педагогик тафаккурни тубдан ўзгарти-
ради. Педагогик антропология қонуниятлари педагогик амалиётнинг захираси 
бўлиб хизмат қилади. 
3.3. Педагогика фанининг мақсади, ҳаётий ва 
умуммаданий аҳамияти 
Педагогика – ижтимоий ҳаёт ва инсон камолоти ҳақидаги амалий фан. 
Педагогик билимлар – эсда сақлаш учун дахмаза бўлган, имтиҳон ёки синовни 
топширгач, унутиб юбориладиган ортиқча нарса эмас. Бу билимлар ўқувчи-
талабаларнинг атрофдаги оламни идрок этиш тизимига, амалий тафаккурига, 
унинг ички дастури ва одатларига чуқур кириб бориши ҳамда улардан ҳаётий 
ва касбий фаолият муаммоларини ҳал этиш воситаси сифатида кенг фойда-
ланиш лозим.
Педагогика нафақат таълим соҳаси, балки иқтисодиётнинг бошқа тар-
моқлари учун ҳам кадрлар тайёрлаш тизимида ўзига хос ўрин тутади. Педаго-
гика бўлғуси мутахассислар шахсида ижодкорлик ва фаоллик фазилатларини 
шакллантиришга ёрдам беради. 
Педагогика – шахсни шакллантирувчи, зиддиятли ва мунозарали фан. 
Ҳатто машҳур мутафаккир ва олимлар ўртасида ҳам таълим ва тарбияга, маъ-
рифат ва маданиятга ёндашувларни баҳолашда айнан бир хил фикрлар, қараш-
лар бўлган эмас.
Педагогиканинг тарбиявий имкониятлари жуда катта бўлиб, у бўлғуси 
мутахассис шахсини шакллантириш ва такомиллаштириш воситаси сифатида 
намоён бўлади, яъни ўқувчи-талабаларда таҳлил қилиш, лойиҳалаш ва ўзаро 
мулоқотга киришиш билан боғлиқ қобилиятларни, шунингдек ташкилий, тар-
биявий ва дидактик кўникмаларни ривожлантиришга ёрдам беради.