Ф. Жуманова, С. Авазова, Г. Жобборова, У. Хуснетдинов

Кейс матнининг охирги кўринишини шакллантириш (босқичлар 
бўйича йўриқнома билан биргаликда). Ушбу босқичда апробация натижалари 
бўйича киритилган камчиликларни ҳисобга олиб, кейснинг тузатилган матни 
тайёрланади. Кейс устида таҳсил олувчилар билан ишни ташкил этиш услуби-
ни ёритишга ҳам алоҳида эътибор қаратилади. Ушбу услубиёт келажакда ўқи-
тувчи бўлишни хохловчилар учун жуда фойдали бўлади. 
 
 
 
 

---

473 
6.2. Кейс топшириқлари 
 
1-кейс баёни 
9-синф ўқувчиси Бобур тарих дарсида ўқитувчи билан тортишиб қолди. 
Тарих ўқитувчиси Бобурни гап қайтаргани учун урди. Бобурнинг ўртоқлари 
ҳам унинг ёнини олиб ўқитувчи билан тортишиб қолди. Ўқитувчи ўқувчилар-
ни бу қилган ишлари учун жазолашини айтди. Тарих фанидан давлат имтиҳон-
лари пайтида ўқитувчи “5” баҳога ўқийдиган ўқувчиларга “3” баҳо қўйиб 
берди. Шундан сўнг ўқувчилар тарих ўқитувчисини ёмон кўриб қолдилар.  
Кейс саволлари: 
1.Ўқитувчи бундай вазиятда қандай йўл тутиши керак эди? 
2.Бу вазиятда ўқитувчи тарбия методлардан қайси бирини самарали қўл-
лай олиши зарур? 
Тингловчиларга тавсия этиладиган манбалар: 
Тарбия методлари, педагогик жараёнда тарбия методларидан фойдаланиш-
га оид адабиётлар.
Кейс таҳлили: 
Вазият негизини жуда нозик масала ташкил этади. Ўқитувчининг олдида 
иккита йўл бор:
1) гап қайтарган ўқувчига тарбияли болалар катталарга гап қайтариш 
яхши эмаслигини, “устоз – отадай улуғ” эканлигини ривоятлар, алломалари-
миз ўгитлари орқали тушуштириши керак эди;
2) имтиҳон жараёнида ўқувчига ноҳақлик қилмасдан, дарслар вақтида 
ўқувчиларга “куч - бирликда” эканлигини, катталарни ҳурмат қилиш, ўртоғи 
хато иш қилса, унга ёрдам бериш кераклигини уқтириш, агар ўқувчиларга бу 
ҳам таъсир кўрсата расман синф раҳбаридан ёрдам сўраш керак эди. Вазиятдан 
тўғри чиқилмаганлиги учун ўқувчиларнинг ўқитувчига ҳурмати сўнган.