Ф. Жуманова, С. Авазова, Г. Жобборова, У. Хуснетдинов

“Кичик гуруҳларда ишлаш” технологияси 
Мазкур технологиянинг моҳияти таълим олувчиларни фаоллаштириш 
мақсадида уларни кичик гуруҳларга ажратган ҳолда ўқув материалини ўрга-
ниш ёки муайян топшириқни бажаришдан иборат. Ушбу технология қўлла-
нилганда ҳар бир таълим олувчи кичик гуруҳда ишлаб, дарсда фаол иштирок 
этиш, бошловчи вазифасини бажариш, бир-биридан ўрганиш ва турлича қа-
раш, нуқтаи-назарларни қадрлаш имкониятига эга бўлади.
“Кичик гуруҳларда ишлаш” технологияси таълим берувчининг вақтдан 
унумли фойдаланиш имкониятини таъминлайди, яъни бир вақтнинг ўзида бар-
ча таълим олувчилар мавзуга жалб этилади ва баҳоланади. 
“Кичик гуруҳларда ишлаш” технологиясининг босқичлари:
1) кичик гуруҳлар фаолиятининг йўналишлари аниқланади, яъни мавзу 
мазмуни бўйича бир-бирига боғлиқ бўлган масалалар белгиланади;
2) кичик гуруҳлар аниқланади, яъни таълим олувчилар 3-6 нафар киши-
дан иборат бўлган гуруҳларга ажратилади;
3) кичик гуруҳлар берилган топшириқни бажаришга киришади;
4) кичик гуруҳларга таълим берувчи томонидан аниқ кўрсатмалар бериб 
борилади ва уларнинг фаолияти тўғри ўзан бўйича йўналтириб турилади;
5) ҳар бир кичик гуруҳнинг топшириқни бажариши юзасидан тақдимоти 
амалга оширилади;
6) бажарилган топшириқлар биргаликда муҳокама ва таҳлил қилинади; 
7) кичик гуруҳлар фаолияти баҳоланади. 
«Кичик гуруҳларда ишлаш» технологиясининг афзалликлари:
1) мавзу мазмунининг яхши ўзлаштирилиши таъминланади;
2) мулоқотга киришиш кўникмаси ривожлантирилади;
3) вақтни тежаш имконияти яратилади; 
4) барча таълим олувчилар жалб этилади;
5) ўзини-ўзи ва гуруҳлараро баҳолаш имконияти вужудга келади.
«Кичик гуруҳларда ишлаш» технологиясининг камчиликлари:
1) баъзи кичик гуруҳларда кучсиз таълим олувчилар бўлганлиги сабабли 
кучли таълим олувчиларнинг ҳам паст баҳо олиш эҳтимоли вужудга келади;
2) барча таълим олувчиларни бирданига назорат қилиш имконияти паст 
бўлади;
3) кичик гуруҳлар ўртасида салбий рақобатларнинг пайдо бўлиш эҳти-
моли ошади;
4) кичик гуруҳлар ичида ўзаро низоларнинг пайдо бўлиш эҳтимоли куча-
яди.

---

520