Ф. Жуманова, С. Авазова, Г. Жобборова, У. Хуснетдинов

Ян Амос Коменский (1592-1670). Коменский 1632 йилда «Буюк дидак-
тика» деган катта педагогик асар ёзган. Шунингдек, «Она мактаби» деган қўл-
ланмаси ва бошқа бир қанча китоблари нашр қилинган. Коменский ўзининг 
педагогик назариясида тарбиянинг табиатга уйғунлиги (мослиги) ҳақидаги 
тушунчани илгари суради. «Буюк дидактика»да таълим табиийликка буйсуни-
ши керак, дейилган. Боланинг ақлий ва жисмоний камолоти табиатдаги ўсиш, 
ривожланиш жараёнига ўхшаш бўлади. Шунинг учун ўқитувчи бола тарбияси-
да, боғбон дарахтнинг биологик ўсиш қонуниятини ҳисобга олгани каби, унда-
ги табиий билиш хусусиятини ҳам ҳисобга олиши шарт. Коменский ўқишга 
ҳамма жалб этилиши, ҳамма умумтаълим олиши кераклигини уқтиради. У 
биринчи бўлиб синф-дарс тизимини ишлаб чиқади. «Буюк дидактика»да таъ-
лимнинг дидактик тамойиллари берилиб, дарс жараёнида ўқитувчи уларга тая-
ниши кераклиги уқтирилади, шунингдек мактабда ўқув йилининг давом 
этиши, унинг чоракларга бўлиниши, таътиллар берилиши ва ўқув куни (соат-
лар) белгилаб берилади. Ўқувчилар бир вақтда мактабга қабул қилиниб, ўқиш 
кузда - сентябрда бошланиши керак, деб ҳисоблайди. 

---

378 
Иоган Генрих Пестолоцци (1746-1827) 1774 йилда Нейгофда «Камба-
ғаллар муассасаси»ни очиб, етим болалардан 50 га яқинини тўплаб, шу муасса-
сада ўзи дарс беради. Пестолоцци ҳамма одамлар таълим олиш ҳуқуқига эга 
бўлиши лозим, деб мактаблар жамиятни ижтимоий жиҳатдан ўзгартиришнинг 
муҳим воситаларидан бири бўлиши лозимлигини таъкидлайди. Пестолоцци-
нинг фикрича, меҳнат одамни тарбиялаш ва камолга етказишнинг энг муҳим 
воситаси, меҳнат одамнинг фақат жисмоний кучини эмас, балки ақлини ҳам 
ўстиради, унда ахлоқни ҳам таркиб топтиради. Элементар таълим назарияси 
Пестолоцци педагогик тизимининг ўзагидир. Бу назарияга кўра, тарбия энг од-
дий элементлардан бошланиб, аста-секин мураккаб даражага кўтарилиб бори-
ши лозим. Пестолоцци болаларда ёзув малакасини ҳосил қилиш учун дастлаб 
ҳарф элементларини, тўғри ва эгри чизиқларни машқ қилишни тавсия этган.