Ф. Жуманова, С. Авазова, Г. Жобборова, У. Хуснетдинов

ёмон тарбиячи шунчалик лаънатланган.
Эрамиздан олдин Ўрта Осиёнинг жанубий чеккасига яқин бўлган жойда 
Ўрта денгиз билан Ҳиндистонни бирлаштирувчи карвон йўли бўлган. Сўнгра 
Ўрта Осиё орқали Хитойдан Ўрта денгизга томон «Буюк ипак йўли» очилган. 
Натижада Ўрта Осиё халқаро савдо-сотиқ маркази бўлиб, маданияти равнақ 
топган. Ўрта Осиёдаги маданият «Буюк ипак йўли» орқали Fapб мамла-
катлари маданиятининг ривожига таъсир кўрсата бошлаган. Айниқса, 
Юнонистоннинг географик ўрни ва табиий шароитининг қулайлиги туфайли, 
ундаги маданият ва маърифат бошқа қадимий мамлакатларга нисбатан яхши 
ривожлана бошлаган. 
Юнонистон қадимда унча катта бўлмаган бир неча қулдорлик давлат-
ларидан ташкил топган мамлакат бўлган. Унинг энг катта давлатлари: Лако-
ния (пойтахти Спарта) ва Атика (пойтахти Афина) маданият маркази бўлган. 
Бу шаҳарларнинг ҳар бирида бир-биридан фарқ қилувчи алоҳида таълим-тар-

---

372 
бия тизимлари вужудга келган. Бу таълим-тарбия тизимлари шаҳарлар номи 
билан юритилиб, «Спарта» ва «Афина» усулидаги тарбия деб юритилган. 
Юнонистонда маданият ва мактабнинг тез ривожланиши таълим-тар-
бия назариясининг пайдо бўлишига имкон яратган. Педагогика назариясига 
файласуфлардан Суқрот, Афлотун, Арасту ва Демокритлар асос солганлар. 
Суқрот (мил. авв. 469-699) нинг фикрича, тарбиядан кутилган мақсад 
буюмлар табиатини ўрганиш эмас, балки ахлоқни шакллантиришдан иборат-
дир. У яратган ахлоқий этика мактаби кишилар ахлоқи бир неча фазилатлар: 
жасурлик, донолик, мўътадиллик, адолатпарварлик ва ш.к.лардан ташкил то-
пади, деб ҳисоблайди. 
Афлотун (мил. авв. 424-347) Суқротнинг шогирди бўлиб, у объектив 
идеализм назариясининг асосчиси бўлган. Афлотун фикрича, тарбия - давлат 
томонидан ташкил этилиши ва ҳукмрон гуруҳларнинг, яъни файласуф ва 
жангчиларнинг манфаатларини кўзлаши лозим. Афлотун ўзининг таълим-тар-
бия тизимида Спарта ва Афина тарбия тизимининг баъзи белгиларини бир-
лаштиришга интилган. 
Арасту (мил. авв. 384-322) таълим-тарбия назариясини яратиш ва уни 
ривожлантиришга катта ҳисса қўшган аллома. У Афлотун шогирди бўлиб, ўз 
навбатида, Искандар Зулқарнайннинг (Алексадр Македонский) устози бўлган. 
Унинг фикрича, оламда уч хил жон бор:
1) ўсимликдан таркиб топган жон, у озиқланишда ва урчиб кўпайишда 
намоён бўлади;
2) ҳайвондан таркиб топган жон, у ўсимлик хоссаларидан ташқари сезги-
лар ва истакларда намоён бўлади;
3) одам ақлининг ифодаси бўлган жон, у ўсимлик ва ҳайвонот хоссалари-
дан ташқари тафаккур ёки билиш хислатларига ҳам эгадир. 
Арасту фикрича, жоннинг мана шу уч турига мувофик уч хил тарбия, 
яъни тана (жисмоний) тарбияси, ахлоқий тарбия ва ақлий тарбия бўлиши ке-
рак. Арасту ирода ва фаолиятга таянган ҳолда ақлий тарбия соҳасида кўникма 
ҳосил қилиш зарурлигига катта аҳамият берган. Арастунинг қайд этишича, ҳар 
қандай истак ва фаолиятда камчилик, ортиқчалик ва ўртачалик бўлади. Ҳамма 
нарсада ўртачаси фойдалидир; ортиқчалик камчилик каби зиёндир.