Excel keste processorı hám elektron hújjetler menen islew texnologiyası. Joba

Microsoft Excel elektron kestesi standart funkciyalarınan másele sheshiwde paydalanıw hám grafikler sızıw
Joba:
1. MS Excel de hújjetler menen islew
2. Máseleler sheshiwde MS Excel standart funkciyalardan paydalanıw
3. MS Excel de awıl xojalıǵına tiyisli máselelerin sheshiw

1. MS Excel de hújjetler menen islew

54-súwret. Microsoft Excel programması jumısshı áynegi

Súwrette kórsetilgeni sıyaqlı Microsoft Excel programması tómendegi bólimlerden ibarat:

• 
  Programma menyuları;
  
• 
  Úskeneler paneli ;
  
• 
  Yacheykalar;
  
• 
  Programma betleri (List1, List2... ).
  

Bul jerde hár bir programma menyusı óz ishine uyqas úskeneler panelin aladı. Óz gezeginde úskeneler paneli tekstke qayta islew ushın hám esap kitaplardı ámelge asırıw ushın xızmet etedi.
Microsoft Excel programması bir neshe yacheykadan (ketekshelerden) shólkemlesken. Sol sebepli bul programma elektron kesteli programma dep ataladı. Hár bir yacheyka óz adresine iye. Mısalı A1, A2.... Ye4, Ye5.... R3 hám t.b. Eger biz kursordı qandayda bir yacheyka baǵanae alıp barıp tıshqanshanıń shep túymesin bir ret basatuǵın bolsaq, sol yacheyka ramkaǵa alınadı yaǵnıy programma sol yacheyka menen isleydi. Bunıń adresin biliw ushın qaysı baǵana hám qaysı qatarda turǵanın anıqlaw jetkilikli. Mısalı 54 - súwret boyınsha kórsetilgen yacheyka adresi D5 ke teń.
Óz gezeginde Excel programmasında bir ashılǵan aynada bir neshe betler jaratıw múmkin. Bular 54- súwrette kórsetilgen Betler (List) bolıp tabıladı. Standart jaǵdayda onda 3 bet bar bolıp, hár bir bet óziniń yacheykalarına iye. Bul bir waqtıniń ózinde bir neshe wazıypanı orınlaw ushın qolaylıq tuwdıradı.

55 a - súwret. Bet jaratıw
Joqarıdaǵı súwrette (55 a - súwret) kórsetilgen túymeni basatuǵın bolsaq jańa bet jaratıladı. Betler atın ózgertiw ushın “лист1” baǵanae barıp tıshqanshanıń shep túymesin eki ret basamız hám ózimiz qálegen attı klaviatura arqalı kiritemiz hám “Enter” túymesin basamız (55 b - súwret).

55 b - súwret. Bet atınıń ózgertiw
Masshtab - jumısshı ayna masshtabın ózgertiw ushın qollanıladı. Onıń ushın maqsetke muwapıq masshtab maydanındaǵı + yamasa - túymeleri basıladı. Hár bir basılǵanında masshtab ólshemi 10% ke ózgeredi.