Excel keste processorı hám elektron hújjetler menen islew texnologiyası. Joba

=ЕСЛИ($A$2=5, "Ayrıqsha", "Ayrıqsha emes") formulada A2 yacheyka atı ózgermes. Eger $A$2 ornına $A2 ol jaǵdayda tek ǵana qatar nomeri ózgeriwsheń, eger $A$2 ornına A$2 bolsa ol jaǵdayda tek ǵana baǵana atı ózgeriwsheń boladı.
Formulalar menen islewde bizge járdem beretuǵın hám qolaylıqlar jaratıwshı Excel formulalar masterin (járdemshisin) jumısqa túsiriw ushın járdemshi ásbaplar (túymeler) qatarında jaylasqan túymeni basıwımız kerek. Nátiyjede tómendegi dialog áynegi payda boladı.

Bul aynada formula jaratıwdıń birinshi adımda biz formula yamasa funkciyanı tańlawımız kerek. КАТЕГОРИЯ atlı tuyıq dizimde kerekli formulalar gruppasın tańlaymız:
1) 10 недавно использовавшихся - 10 aqırǵı isletilgen formulalar;
2) полный алфавитный перечень - alfavit boyınsha formulalardıń tolıq dizimi;
3) финансовые - ekonomikalıq formulalar dizimi;
4) дата и время - waqıt hám sane menen islew formulaları;
5) математические - matematikalıq formulalar;
6) статистические - statistikalıq formulalar;
7) ссылки и массивы - giperjollanbalar hám dizbekler menen islew formulaları;
8) работа с базой данных - maǵlıwmatlar bazası menen islew formulaları;
9) текстовые - tekst penen islew formulaları;
10) логические - logikalıq formulalar;
11) проверка свойств и значений - yacheykalar ishindegi maǵlıwmatlardı tekseriwshi formulalar.
Formula saylanǵannan keyin aynanıń tómengi bóliminde sol formulanıń mánisi yamasa járdemshi maǵlıwmatlar shıǵarıladı. Birinshi adım orınlanǵannan keyin ekinshi adımǵa ótemiz.

Bul adımda tómendegi ayna payda etiledi. Bul aynada formulanıń elementlerin kórsetiwimiz kerek. Olardı klaviaturadan yamasa tıshqansha járdeminde kórsetiwimiz múmkin. Tıshqanshadan paydalanıw ushın maǵlıwmatlar kirgiziw tarawınıń oń táreptegi túymege basamız nátiyjede dialog ayna kishireytilip siz tıshqansha járdeminde jumıs tarawınan qálegen yacheykanı tańlawıńız múmkin. Yacheyka saylanǵannan keyin taǵı sol túymeni basıp formula járdemshisi menen islewdi dawam etiwińiz múmkin. Formula tayın bolǵannan keyin OK túymeni basıwımız kerek.