Excel keste processorı hám elektron hújjetler menen islew texnologiyası. Joba

60 - súwret. Yacheyka ólshemin ózgertiw
Endi yacheykaǵa kiritilgen tekstke shrift bólimi arqalı qayta islew múmkin. Onıń ushın yacheyka belgilengen (yaǵnıy ramkaǵa alınǵan) jaǵdayda bolıwı kerek. Yacheykanıń shrift temasın, ólshemi, fon reńi, tekst reńi hám jazıw formatı uyqas jaǵdayda súwrette kórsetilgen túymeler arqalı ámelge asırıladı. Yacheykalarǵa shegara beriw bolsa tómendegishe boladı: yacheykalar belgilenedi (tıshqansha shep túymesin basıp turǵan jaǵdayda belgileymiz),

61-súwret. Belgilegen diapazon
shrift bólimindegi “Граница” menyusına kirip граница túri saylanadı,

62-súwret. shegaralardı sızıw túrleri
nátiyje bolsa tómendegishe boladı.

63-súwret. Shegaralari sızılǵan diapazon
Tegislew (Виравнивание) – yacheyka ishindegi tekstti yacheyka boylap jaylastırıw ushın isletiledi hám uyqas jaǵdayda yacheykalardı shegaralaw hám bir birine qosıw ushın isletiledi (64 - súwret).

64 - súwret. Tegislew bólimi menyusı
Tekstti yacheyka boylap jaylastırıw 64 - súwrette ajıratıp kórsetilgen túymeler járdeminde ámelge asırıladı.
Orientirlew - yacheykadaǵı tekstti múyesh astında jazıw ushın isletiledi (65 - súwret).

65- súwret. Orientirlew menyusı

65- súwrette kórsetilgeni sıyaqlı tekstti múyesh astında jazıw ushın standart túymeler bar. Mısalı “Текст по часовой стрелке”, “Вертикальный текст” hám t.b. Lekin súwrette belgilenip kórsetilgen “Формат веравнивания ячейки” túymesi arqalı múyeshti ózimiz beriwimiz múmkin (66 - súwret).

66- súwret. Yacheyka formatın ózgertiw áynegi
Tegislew bólimi
Yacheykanı shegaralaw - yacheykaǵa tekst kiritilip atırǵanda tekst yacheyka shegarasınan shıǵıp ketiwi múmkin. Onıń ushın Tegislew bólimindegi “Перенос текста” túymesinen paydalanamız. Yaǵnıy kerekli yacheykalar belgilenedi hám “Перенос текста” túymesi basıladı. Bul jaǵdayda yacheyka shegarası tekstti avtomatikalıq keyingi qatarǵa túsirip jiberiw múmkinshiligine iye boladı (67- súwret).

67 - súwret. Yacheykanı shegaralaw
Yacheykanı birlestiriw - eki yamasa onnan artıq yacheykanı birlestiriw ushın “Tegislew” bólimindegi “Объединитъ и поместит в центре” túymesinen paydalanıladı. Onıń ushın tekst kiritilmegen yacheykalar belgilenedi hám “Объединитъ и поместит в центре” túymesi basıladı hám tómendegi kóriniske iye bolamız (68- súwret).

68 - súwret. Yacheykanı birlestiriw
Avto toltırıw (Автозаполнение)
Microsoft Excel programmasında yacheykalardı avtomatikalıq toltırıw múmkin. Onıń ushın tómendegi izbe - izlikler orınlanadı.

• 
  S4 yacheykaǵa “1” kiritiledi;
  
• 
  S5 yacheykaǵa bolsa “2” kiritiledi;
  
• 
  S4 hám S5 yacheykaları belgilenedi.
  

Belgilengen ramkanıń oń tómengi múyeshindegi tórtmúyesh túymesi basıp turılǵan jaǵdayda tómenge tartıladı (69 - súwret).

69. 
    – súwret. Cifrlı avtotoltırıw
    

Bul jaǵdaydı qálegen izbe - izlikte keletuǵın sanlar ushın ámelge asırsa boladı. Mısalı 2001, 2002 kiritiledi hám avtotoltırıw ámelge asırılsa 2003, 2004, 2005 hám t.b. nátiyjege iye bolamız. Basqa jaǵdayda bolsa hápte kúnlerin da avtoatik dawam ettiriw múmkin. Onıń ushın “Ponedel'nik” sózin kiritemiz hám avtomatikalıq toltırıw túymesin basıp turǵan jaǵdayda tómenge háreketlendiremiz (70- súwret).

70- súwret. Hápte kúnlerin avtomatikalıq toltırıw